Cuirfear tús leis an dara sraith FEIRM FACTOR, 10 gclár ar TG4 ar an Déardaoin 14 Eanáir 2010.
Craoladh an chéad shraith bliain ó shin, sraith nuálaíoch inar cuireadh dáréag feirmeoir ó chúlraí éagsúla in iomaíocht le chéile féachaint cé aige/aici a bhí an raon scileanna, acmhainn ghnó agus seasmhacht choirp agus intinne chun an duais mhór a bhuachan.
Is í Maura Derrane an láithreoir agus tig léi a bheith báúil nó dian de réir mar a oireann don ócáid. Is iad Alan Dukes, iar Aire Talmhaíochta agus eacnamaí agus Seán Ó Lionáird, feirmeoir as Corcaigh, na moltóirí.
BECKY SURMAN - Blondie
As Oxford Shasana don bhean seo, 34 bliain d'aois ach tá cónaí uirthi I gCill Dara le tamall de bhlianta anois. Tá suim mhó aici sna capaill agus tá céim ollscoile aige in dTalmhaíocht agus Eolaíocht Ainmhithe. Tá dhá leabhar filíochta léi foilsithe, ar théama na gcapall agus is móir aici an deis ceacht nó dhó mhúineadh do na fir.
