FÓMHAR 2009
SCÉIMÉIREACHT, SEANCHAS & SIAMSAÍOCHT SA SCEIDEAL FÓMHAIR
Tá drámaíocht nua den scoth, cláracha fiosracha faisnéise a thugann léargas nuálaíoch ar an oidhreacht Ghaelach sa mbaile agus i gcéin, ceol, damhsa agus amhránaíocht ó mháistrí na n-ealaíon sin, clúdach eisiach ar na cluichí Gaelacha d’fhir is do mhná, athchóiriú agus forbairt shubstaintiúil ar an soláthar do dhaoine óga mar aon le soláthar nuachta agus cúrsaí reatha nach bhfuil a sárú ann i measc na ngnéithe is suntasaí de Chlársceideal Fómhair TG4 do 2009.
• DRÁMAÍOCHT
Rásaí na Gaillimhe - Ros na Rún - Na Cloigne
• FAISNÉIS
Cowboys - Cogar - An Bóthar go dtí an Whitehouse
• CEOL
Céarbh É? - Amhráin is Ansa Liom - Ceol Daniel
• SIAMSAÍOCHT
Jig Gig - Steip - Stil na Realt
• SPÓRT TG4
Peil na mBan / GAA na gClub - GAA @ 125
• CÚRSAÍ REATHA
Nuacht TG4 - 7 Lá - Fíorscéal
• DAOINE ÓGA
Cúla4 na nÓg - Cúla 4 - Ponc
• SCANNÁIN & SRAITHEANNA
Scannáin - Sraitheanna
DRÁMAÍOCHT
NA CLOIGNE - NOLLAG 2009
Scéinséir osnádúrtha nualéirithe Gaeilge atá sa sraithdhráma seo. Lánúin óg, Seán agus Nuala, is ábhar don scéal. Is ealaíontóir den scoth í Nuala, a bhfuil teagmháil as an ngnáth aici leis an Domhan Eile leis an mbua ealaíonta atá aici.
Tá a grá do Sheán faoi bhrú mar gheall ar a dhrogall a bheith róthiomanta don chaidreamh agus mar gheall go raibh Seán mídhílis do Nuala le bean áitiúil, Áine. Oíche amháin agus é súgach, tugann Seán beirt bhan óg dhathúil abhaile tar éis bheith sa teach ósta. Dúisíonn an ragairne Nuala agus, tar éis argóna fíochmhar le Seán, imíonn sí léi sa charr agus dásacht feirge uirthi. Níl san eachtra seo ach tús na trioblóide...
