TG4 Gradam Ceoil Blog: Nuacht

Liosta Ghradam Ceoil TG4 2011 foilsithe (01/02/2011):

Is ar cheoltóir croíúil an chonsairtín  as iarthar an Chláir, Noel Hill  a bhronnfar Gradam Ceoil TG4 2011.  Fógraíodh liosta iomlán na ngradamóirí éagsúla ag nuachtócáid i  Músaem na Cathrach i nGaillimh  tráthnóna.

Bronnfar Gradaim sna rannóga eile ar phíobaire óg fuinniúil as Co na Gaillimhe, ar amhránaí ildánach as Gaeltacht Chorca Dhuibhne, ar fhidléir aitheanta as tuaisceart Liatroime, ar  phianadóir agus scoláire ceoil a bhfuil cáil dhomhanda air agus  ar chumadóir cumasach as Chicago a thuill ainmniúcháin Grammy arú anuraidh.   Seo liosta Ghradam  Ceoil TG4 2011:

• Gradam Ceoil TG4: Noel Hill
• Ceoltóir Óg TG4: Pádraic Keane  
• Gradam Saoil  TG4: Gradam Saoil
• Cumadóir TG4: Liz Carroll
• Amhránaí TG4: Muireann Nic Amhlaoibh
• Gradam na gCeoltóirí  TG4: Micheál Ó Súilleabháin