NOEL LACEY
Traenálaí capall atá sásta aon rud a dhéanamh chun cáil na muintire a chosaint. Tá cónaí air ar eastáit a mhuintire i gcuideachta lena dheirfiúr Denise agus a fear céile, an marcach Liam Reilly. Is breá leis a shaol mar thraenálaí ach ní go maith a éiríonn leis ina bhun. Capaill gan mhaith, ar chaighdeán measartha a bhíonn faoina chúram agus is iad na rásaí gan cháil is mó a ritheann siad.
Ach anois, tá Nocturne, capall den scoth, aige ach ar an droch uair tá an scéala faoi chumas an chapaill sceite, rud a laghdóidh an corrlach agus luach saothair Noel. Ba mhaith le Noel toradh an ráis a chur ar iomrall ach is cosúil anois nach bhfuil an marcach sásta seo a dhéanamh.
Caithfear an rud seo a shocrú ar bhealach éigin.
clip - wjn-trainer.flv - 1.4 MB - Íoslódáil
QUOTES
Braitheann sé. Ar na odds atá mé in ann a fháíl. Cén chuma atá ar an bpleóta sin g'fhear chéile atá a'd?
Bailigh leat Boland. Níl mé ag iarradh a bheith feicthe anseo ag caint leatsa... Tá capall tinn anseo a'm, odds gearr fós air agus gan rás grúite aige fiú.
Coinneoidh muid Nocturne siar go dtí lá eicínt eile. Coinnigh amach as an gcéad cheithre háit é.
Éist liomsa, déanann an capall sin an rud a deir tusa leis, agus déanann tusa an rud a deirimse leatsa.
