Fágann seoladh na míosa seo de leagan DVD den tsraithdhráma déagóirí Aifric, go bhfuil breis is deich gcinn de scothshraitheanna óige agus páistí an chainéil ar fáil sna siopaí le ceannach anois ar DVD.

Is é Aifric an chéad sraithdhráma teilifíse do dhéagóirí a léiríodh riamh in Éirinn in aon teanga agus tugann sé léiriú greannmhar báúil ar shaol an déagóra sa lá atá inniu ann. Tá duaiseanna aitheanta agus gradaim go leor buaite ag an tsraith seo ó leithéidí IFTA agus Féile na Meán Ceiltach.

Ar na sraitheanna eile TG4 do pháistí atá ar fáil ar DVD tá:

Dora
Eachtraí spraoíúla le Dora, Bróigín, Mála agus le cabhair uaitse!
(Tig leat roghnú as 7 DVD atá ar fáil).

Doodlebops
Clár ceolmhar le Deedee, Rooney and Moe Doodle,.....beidh tú ag ceol!
(Tá dhá DVD ar fáil)

Spongebob
Gáire agus Greann le Spongebob Squarepants agus a chairde a chónaíonn in Anann ag bun an aigéin.
(Tig leat roghnú as 4 DVD atá ar fáil).

The Wonderpets
Bí le Linny, Tuck and Ming Ming agus iad ag taisteal na cruinne ag cuidiú le ainmhithe atá i dTrioblóid;
(DVD amháin ar fáil)

Skunk Fu!
Skunk atá ag foghlaim Kung Fu! Léirithe in Éirinn ag Cartoon Saloon
(DVD amháin ar fáil)

Tec an Tarracóir
Tec, an Tarracóir beag Dearg agus a cháirde thíos ar an bhfeirm.
(DVD amháin ar fáil)

Clifford
An Madra Mór Dearg! (DVD amháin ar fáil)

Tá na DVDs ar fáil le ceannach sna siopaí físeáin agus ollmhargaí agus ar Siopa Ar Líne TG4