CÚLA4 ar chainéal 602 freisin feasta

Dheimhnigh Chorus ntl inniu, (25/8/09) go mbeidh CÚLA4, bloc laethúil clár óige TG4 ar fáil mar chainéal ar leith i zón na ndaoine óga ar Chorus ntl ón Mháirt seo chugainn, 1 Meán Fómhair.

Tá an socrú nua seo á chur i bhfeidhm ag tús séasúir nua CÚLA4 ina bhfuil sceideal nua clár agus forbairtí go leor eile á ndéanamh sa réimse seo. Beidh an soláthar a dhéanann CÚLA4 roinnte ina thrí bhloc sainiúil clár gach lá chun freastal níos fearr ar an trí aicme fhéachana - réamhscoil, páistí agus déagóirí. (féach thíos)

Deir Lís Ní Dhálaigh, Stiúrthóir Aschuir TG4:
"Tá áthas an domhain orainn faoin bhforbairt seo. Anois agus muid ar fáil ar chábla ar chainéal 602 - le hais na seirbhísí aitheanta eile do dhaoine óga - beidh stádas agus seasamh níos fearr ag CÚLA4 agus é níos lárnaí sa rogha féachana atá ar fáil ar chábla. Tá gach dóchas againn as an rogha ábhair a chuirimid ar fáil agus is mór againn an t-aitheantas seo a chuirfidh ar chomh-chéim muid leis na cainéil sin a bhfuil cáil dhomhanda orthu sa margadh teilifíse do pháistí. Is céim tábhachtach don Ghaeilge é freisin go mbeadh CÚLA4 suite mar a bheith feasta ar an gcóras cábla agus an teanga ar chomh-tharrac leis an mBéarla i súile an aos óg."

Deir Simon Kelehan, Ceannasaí Teilifíse le Chorus:
"Táimid thar a bheith sásta leis bhforbairt seo agus muid ag suíomh CÚLA4 i zón na bpáistí, a chur i lár na hiomaíochta, le hais na gcainéal eile. Tacaímid le cainéil dhúchasacha agus is mór againn an comhoibriú is deireanaí seo le TG4."

Sceideal CÚLA4
CÚLA4 na n-ÓG: 7am - 10am do pháistí réamhscoile ELMO, TAR ag SPRAOI SESAME; DORA the EXPLORER; NI HAO KAI LAN; FRANNY's FEET; DIVE OLLIE DIVE agus MR MEN.

CÚLA4: 2:30 - 4.50pm don aoisghrúpa 6 - 10 bliana BEN 10; SPONGEBOB SQUAREPANTS; BACK AT THE BARNYARD; ELIOT KID; MIGHTY BEE agus SKUNK FU.

PONC: 4:50 - 7:00pm Máire Treasa Ní Dhubhghaill and Colmán Mac Séalaigh le soláthar iontach clár do dhéagóirí, le drámaíocht AIFRIC, H2O; LIFE with DEREK, 8 SIMPLE RULES), réilifís PIMP MY RIDE; THE HILLS, MY SUPER SWEET SIXTEEN agus guais-spórt PLANET X, GROMS TOUR.

Breis Eolais:
Linda Ní Ghríofa - TG4 - (091) 505050