7 Lá | Cúrsaí Reatha | Polaitíocht na Tíre | TG4 | Nuacht Skip to main content
Menu

7 Lá

Máir
7.30pm
     

Beo as Baile na nGall
Dé Máirt @ 7.30pm

Fógraíocht

Rátáil Tuismitheora: G

Clár cúrsaí reatha seachtainiúil TG4. Déanfar scagadh agus plé ar scéalta nuachta atá go mór i mbéal an phobail, go háirithe scéalta réigiúnacha agus Gaeltachta.

Chéad Taispeántas: 12 Fea

Craolfar eagrán speisialta don chlár cúrsaí reatha, ‘7Lá’, beo as Baile na nGall, i gCorca Dhuibhne ar an Máirt 19 Feabhra ag 7.30pm.

Tá ceantair thuaithe faoi bhrú le tamall de bhlianta in Éirinn. Tá daoine óga ag dul ar imirce nó ag aistriú go dtí bailte móra agus cathracha na tíre ar mhaithe le hobair a fháil. Tá deacrachtaí le cead pleanála a fháil. Tá tionscail na hiascaireachta agus feirmeoireachta a bhí tréan go traidsiúnta, ag meath. Tá leagan amach an daonra áitiúil as rocht agus brú ollmhór ar áiseanna áitiúla dá réir. Tá creimeadh déanta ar stáisiúin Gardaí, ar oifigí poist, ar thithe tábhairne agus ar shiopaí beaga tuaithe.

Cíorfaidh 7LÁ saol reatha na tuaithe in eagrán speisialta a chraolfar BEO ó Bhaile na nGall in Iarthar Duibhneach ar an Mháirt an 19ú Feabhra. Dhún an siopa deireanach a bhí ag freastal ar Pharóistí na Cille agus Múrach ar an 7ú Feabhra. Dhún an Oifig Poist a bhí ag freastal ar na pobail sin roimh dheireadh na bliana anuraidh. Tá dhá bhialann dúnta ins na paróistí sin le cúpla bliain anuas. Tá na tithe tabhairne faoi bhrú. Tá sé ar fad tárlaithe i bParóistí atá i ngiorracht 4-5 de mhílte ó bhaile an Daingin, an baile is mó turasóireachta in Éirinn.

Conas ar thárla a leithéid? Cad tá i ndán go pharóistí tuaithe na tíre? An bhfuil plean ag an rialtas chun dul i ngleic leis an síor-chreimeadh seo? An bhfuil plean ag an bpobal áitiúil? An féidir an creimeadh seo a sheachaint?

Cuirfear na ceisteanna  san ar phainéal atá báite sa phobal ar 7LÁ. Dé Máirt, 19ú Feabhra, 7.30-8pm.’

‘7Lá’, curtha i láthair ag Páidí Ó Lionáird.

Físeáin ar Fáil