An Ríl Deal | Clár damhsa | Comórtas damhsa | Siamsaíocht Skip to main content
Menu

An Ríl Deal

Domh
8.00pm
Céad
7.30pm
     

An Ríl Deal gach Domhnach @ 8.00pm

An Ríl Deal

Tá TG4 agus Adare Productions sa tóir ar na gcéad réalta mór eile i saol an damhsa Ghaelaigh. An duais – deis tú féin a chur i láthair ar cheann de na hardáin is iomráití ar Broadway, Nua Eabhrac!

Beidh fáilte roimh chuile chineál damhsóra Gaelaigh, idir steip agus damhsa na scuaibe, damhsóirí sean-nóis agus damhsóirí seit., cuir isteach ar an gcomórtas. Is cuma faoi aois ach oiread agus fáilteofar roimh óg agus aosta.
Comórtas damhsa do chuile dhuine é seo a ndéanfar ceiliúradh ar thraidisiúin uile an damhsa Ghaelaigh.

Ag coinneáil súil ar na hiomaitheoirí ar An Ríl Deal beidh na triúr moltóirí.

Sibéal Davitt ag damhsa ar an sean-nós agus ag casadh ceol traidisiúnta ó bhí sí óg. Ba í buaiteoir an chomórtais Uile-Éireann Glas Vegas í ar TG4 in 2009 agus is maith a thuigeann sí cúrsaí comórtais teilifíse agus an deis a bhuachan dul ag damhsa i Meiriceá. Tá an-tóir uirthi mar dhamhsóir agus mar mhúinteoir damhsa ar an sean-nós ag ionaid agus ag féilte ar fud na tíre agus is iomaí camchuairt tugtha aici thar lear.

Bhí Breandán de Gallaí ina phríomhdhamhsóir ag Riverdance agus tá cleachtadh maith aige ag obair leis na damhsóirí is fearr ar domhan. Tá sé deacair é a mhealladh agus ní foláir do dhamhsóir ar bith atá ag dul chun stáitse agus súil aige a bheith ainmnithe ar an damhsóir is fearr in Éirinn a chuid a dhéanamh go rímhaith!

Damhsóir aonair, damhsóir ar an sean-nós agus damhsóir seit é Roy Galvin. D’éirigh go maith le Roy freisin ina dhamhsóir bailé agus tá súil ghrinn aige i dtaobh damhsóirí cumasacha a aithint. Dhamhsaigh Roy go gairmiúil in éineacht le Compántas Bailé na hÉireann agus le Bailé Chathair Bhaile Átha Cliath agus bhí sé ina mháistir bailé le Compántas Damhsa Comhaimseartha na hÉireann le déanaí. Bhunaigh sé a chompántas damhsa féin, Compántas Damhsa Pas de Deux, a thug taispeántais go minic i nGailearaí Náisiúnta na hÉireann agus sa Cheoláras Náisiúnta.

Saineolaithe iad na moltóirí ar fad ina réimse damhsa féin ach an mbeidh siad ar aon intinn faoin éagsúlacht stíle a bheidh ag na hiomaitheoirí? Agus ag coinneáil súil ar na moltóirí beidh an láithreoir, Máire Treasa Ní Dhubhghaill.

Físeáin ar Fáil