Skip to main content
Menu

Ar Scoil Arís

     

Fógraíocht

Ar Scoil Arís 1-1

Rátáil Tuismitheora: G

I 1986 thug Máirtín Davy Ó Coisdealbha cuairt ar scoileanna náisiúnta ar fud Chonamara mar chuid den tsraith teilifíse 'Ar Scoil' a craoladh ar RTÉ. Labhair sé le gasúir scoile na háite faoi dhul ar scoil agus na nithe uilig a bhí rún acu a dhéanamh nuair a bheidís mór. Anois, tríocha bliain ina dhiaidh, tabharfaidh Máirtín Davy cuairt ar na scoileanna céanna sin arís, labhróidh sé le scoláirí an lae inniu chomh maith leis na hiar-scoláirí a chuir sé faoi agallamh tríocha bliain ó shin. I Scoil Cholmáin, Maínis a thosóidh sé a aistear.

Chéad Taispeántas: 11 Nol

Rogha Fotheidil

Le fotheidil a roghnú, brú [CC][] ag bun an scáileáin.

An Seinnteoir ar IOS

Le breathnú ar an Seinnteoir ar IOS, íoslódáil Aip TG4 anseo... https://itunes.apple.com/ie/app/tg4-player/id598591024?mt=8

30 bliain ó shin i 1986 mar chuid de shraith teiIifíse ‘Ar Scoil’, thug Máirtín Davy Ó Coisdealbha cuairt ar scoileanna náisiúnta ar fud Chonamara. Labhair sé le gasúir scoile na háite faoi dhul ar scoil agus faoi na brionglóidí a bhí acu. Anois, 30 bliain ar aghaidh i 2016, tugann Mairtín Davy muid ar bhoithrín na smaointe nuair a bhuaileann sé le cuid de na gasúir sin agus iad anois fásta suas, chomh maith le gasúir scoile 2016.

Sa tsraith nua seo tá deis uathúil againn breathnú ar an saol a bhí agus atá i gceantair eagsúla i gConamara. Baineann muid úsáid as ábhar cartlainne na sraithe i 1986 chun muid a thabhairt siar tríocha bliain le bualadh le cuid de hiar-scoláirí na scoile.

Thar 6 seachtainí tugann muid cuairt ar Scoil Cholmáin i Maigh Inis, Scoil na hAirde Móire, Scoil Rónáin sa Trá Bháin, Scoil Mhuire i Ros Muc, Scoil Sailearna in Indreabhán agus Scoil Bhriocáin, Ros Muc – agus muid ar thuras scoile ar fud Chonamara.

Is cuimhin linn ar fad ár laethanta scoile, ach cé againn a fháigheann an deis breathnú siar orthu?

Físeáin ar Fáil