Comhrá | Cláir | TG4 | Súil Eile Skip to main content

Comhrá

     

Dreas comhrá le Máirtín Tom Sheáinín,
ina insíonn a chuid aíonna scéal
a mbeatha ar a mbealach féin.

Fógraíocht

Rátáil Tuismitheora: G

Sonny Choilm Learaí, as Leitir Mealláin, i gConamara a bheidh ag comhrá le Máirtín Tom Sheáinín an tseachtain seo. Duine ceolmhar a bhfuil an-cháil ar a theaghlach mar dhamhsóirí ar an sean-nós. Labhróidh sé ar an ngrúpa ceoil "Ceann Gólaim" chomh maith le túr Cheann Gólaim. Déanfaidh sé féin píosa damhsa agus labhróidh sé ar spailpínteacht, iascaireacht agus an chéad bhosca ceoil a fuair sé.

Chéad Taispeántas: 21 Nol

Rogha Fotheidil

Le fotheidil a roghnú, brú [CC] ag bun an scáileáin.

Formáid thar a bheith  simplí í seo ina ndéantar dreas comhrá le duine gan áiféis ná gáifeacht.  Leagann an tsraith seo méar ar chuisle na hÉireann.  Tá bua ar leith ag Máirtín Tom Sheáinín, cuireann sé a chuid aíonna ar a gcompord agus faigheann siad deis scéal a mbeatha a insint ar a mbealach féin.

Tá Máirtín sa chúlráid chun an cuntas a stiúradh go ciúin stuama.   Is iad muintir na hÉireann ábhar an chláir seo. Cé go bhfuil próifíl phoiblí agus aithne mhaith ar fud na tíre ar chuid de na haíonna an séasúr seo, is ar ghnéithe eile dá saol a bheidh siad ag trácht.

Sa tsraith seo de Comhrá, beidh aisteoirí, ‘s spaisteoirí, ceoltóirí ‘s polaiteoirí, seoltóirí, filí agus uachtaráin.  I measc na n-aíonna an séasúr seo beidh Uachtarán an CLG, Aogán Ó Ferghail, Bríd Rodgers, polaiteoir leis an SDLP, an t-aisteoir Niall Mac Eamharchaigh atá i bpáirt John Joe i Ros na Rún, Páraic Ó Gaora a bhí ina phríomh-Eagarthóir Nuachta le Nuacht RTÉ, Íte Ní Chionnaith, an chéad ban-uachtarán ar Chonradh na Gaeilge, agus Joe Higgins, iar-Theachta Dála leis an bPáirtí Shóisialach.

Físeáin ar Fáil