Hector Central | Cláir | TG4 | Súil Eile Skip to main content

Hector Central

     

Is ar Mheiriceá Láir atá a thriall sa tsraith nua seo,  8 gclár ó Chathair Panama go Cathair Belize agus é ag leanacht bhóthar an Pan-American Highway den chuid is mó.

Físeáin Faoi Thrácht

Fógraíocht

Hector Central 1-8
10Lá Fagtha

Rátáil Tuismitheora: 12A

Is ar Mheiriceá Láir atá triail Hector sa tsraith seo, ó Chathair Panama go Cathair Belize & é ag leanúint bhóthar an Pan-American Highway den chuid is mó. Is réigiún iontach ilghnéitheach é seo ina bhfuil áilleacht, cultúr spreagúil, polaitíocht chorrach, teannas & coiriúlacht go forleathan ann. Rachaidh Hector thar an teorainn isteach sa Bheilís áit a bhfuil Béarla ag muintir na háite, an chéad uair aige Béarla a chloisteáil le seachtainí. Casfaidh sé le lucht déanta seacláide, le déantóir an anlainn cháiliúil sillí Marie Sharp & le drumadóirí Garifuna ar chósta thoir na tíre.

Chéad Taispeántas: 22 Nol

Rogha Fotheidil

Tá deacrachtaí le fotheidil ar roinnt ‘browsers’ faoi láthair. Tá muid ag obair iad seo a chuir ina gceart. Idir an dá linn, tá siad ar fáil ar an APP IOS (saor in aisce le íoslódáil).

Le fotheidil a roghnú, brú cc ag bun an scáileáin.

Má tá fotheidil Ghaeilge cruthaithe againn, is féidir iad seo a roghnú in áit na bhfotheideal béarla.

Má tá tú ag breathnú ar Explore 8 nó ar Windows ’95 nó níos sine, ní oibreoidh na roghanna nua. Is gá mar sin uasghrádú ar do árdán.

Déan teagmháil linn má tá aon deacracht agat.

Agus TG4 ag pleanáil dá chomóradh 20 bliain, measadh go raibh sé in am Hector a dhíbirt as an tír arís ar feadh tamaill.  Dar ndóigh mar aitheantas agus ní mar phionós a rith an smaoineamh seo linn mar gur ag fánaíocht ar fud na cruinne dúinn a thuill fear rua na hUaimhe clú agus cáil an chéad lá riamh.

Is iomaí uair a chuaigh sé amú agus is iomaí tír a thaisteal sé agus é fiosrach, fuinniúil, fáilteach.  Is ar Mheiriceá Láir atá a thriall sa tsraith nua seo,  8 gclár ó Chathair Panama go Cathair Belize agus é ag leanacht bhóthar an Pan-American Highway den chuid is mó.

Is réigiún iontach ilghnéitheach é seo ina bhfuil áilleacht, cultúr spreagúil, polaitíocht chorrach, teannas go leor agus coiriúlacht ar fáil go forleathan freisin.  Ní mairg sin do Hector agus é ar an ród go El Salvador, Honduras, Guatemala, Nicaragua, Costa Rica agus go dtí an Mhuir Chairb, aistear 3363 míle bóthair ar fad.   Is fada ó tháinig Eorpaigh chuig an réigiún seo ar dtús ach seans gur beag acu a bhí ar aon dul le  Hector s’againne, fear a bhfuil Spáinnis líofa aige, dar ndóigh.

Níl fear bóthair is fearr ná Hector agus  é síoraí seasta ar thóir iontas, comhluadair,  éagsúlachta agus dúchas sainiúil na háite ina bhfuil sé ar cuairt.  Tá neart ceisteanna aige agus fonn eachtraíochta agus ní miste leis beagán pleidhcíochta freisin.

Go bhfóire Dia orthu thall !

Léiriú le Good Company Productions

Físeáin ar Fáil