Laochra Gael | Sports Programme | GAA Legends | Irish Sport | TG4 Skip to main content
Menu

Laochra Gael

     

Féach anois ar Seinnteoir TG4

Fógraíocht

Rátáil Tuismitheora: G

Lar Corbett Thiobraid Árann laoch Gael na seachtaine seo. Is iomaí uair a cuireadh saol spóirt Lar Corbett i gcosúlacht leis an Tour de France, é thuas seal, thíos seal go minic. Ach nuair a bhí sé i mbarr a réime, ní raibh imreoir ar bith chomh géarchúiseach ná chomh cumasach le Lar Corbett. Bhí baint aige le roinnt den imirt is fearr dá bhfacthas ar pháirc na himeartha san iomáint riamh.

Chéad Taispeántas: 1 Iui

Rogha Fotheidil

Le fotheidil a roghnú, brú [CC][] ag bun an scáileáin.

An Seinnteoir ar IOS

Le breathnú ar an Seinnteoir ar IOS, íoslódáil Aip TG4 anseo... https://itunes.apple.com/ie/app/tg4-player/id598591024?mt=8

Laochra Gael – Sraith 16

Sraith nua. I measc na réalta spóirt an tséasúr seo beidh:

Lar Corbett

Lar Corbett Thiobraid Árann laoch Gael an chéad chláir. Cuireadh gairm an fear spóirt Lar Corbett i gcomparáid leis an Tour de France mar go raibh sé chomh corrach sin. Ach nuair a bhí sé i mbarr a réime, ní raibh imreoir ar bith chomh géarchúiseach ná chomh cumasach le Lar Corbett. Chuir sé le cuid de na móimintí is fearr riamh san iomaíocht.

 

Graham Geraghty

Fear lán le talann, fear éagsúil, fear teasaí agus fear dathúil – ba mhinic Graham Geraghty mar ábhar sna meáin thablóideacha sna 1990daí. Ba pheileadóir iontach agus conspóideach é Geraghty. Thar na blianta bhí baint aige le scannáin, le polaitíocht, le teach tábhairne agus le foireann sacair Arsenal. Is oibrí sóisialta é Graham anois a chuidíonn le daoine óga caoi a chuir ar a saol. Bhí a aistear saoil féin lán de thuas seal, thíos seal agus neart scéalta le hinseacht, dá réir.

 

Ashling Thompson

Clár faisnéise faoi Ashling Thompson – All-Star Camógaíochta agus captaen buacach Uile Éireann. Tá sí ar dhuine de cheathrar lúthchleasaithe in Éirinn a fhaigheann urraíocht ó Red Bull. Is mainicín faisin, abhcóide dílis ar chúrsaí meabhairshláinte í gan trácht ar an tóir atá ag na meáin uirthi. Sa chlár seo, rachaimid ar aistear in éineacht le Ashling atá i mbarr a réime faoi láthair i saol na camógaíochta – bean a fuair an ceann is fearr ar dhrochghortuithe agus ar mhórfhadhbanna leis an dúlagar ar an mbealach.

 

Henry Shefflin

Caithfear súil ar shaol spóirt Henry Shefflin – duine de na hiománaithe ab fhearr riamh i stair na hiománaíochta. Fear ar iomaí curiarracht atá bainte amach aige – deich mbonn Uile Éireann agus ualach Gradam All-Star ina measc. Tabharfar léargas airsean mar fhear taobh amuigh de pháirc na himeartha. Déanfaidh sé cur síos ar an imní agus an easpa misnigh a bhí air roimh Chluiche Ceannais 2009, an scanradh a bhíodh air roimh Brian Cody agus cé go bhfuil sé bródúil as an méid atá bainte amach aige féin agus ag Cill Chainnigh, gur mó i bhfad an bród atá aige as a bhean chéile agus a chlann.

 

Mickey Harte

Mickey Harte saineolaí ar an imirt, fear a chuir borradh faoin bpeil chomhaimseartha agus a bhfuil Craobh na hÉireann buaite trí huaire aige agus Craobh Uladh sé huaire is ábhar don chlár seo. Is comhairleoir méala, comhairleoir spioradálta agus cainteoir spreagúil é chomh maith. Níor lig sé do na Trioblóidí cur isteach air. Bhain neart conspóide dó gan trácht ar an mbriseadh croí nuair a dúnmharaíodh a iníon Michaela. Sa chlár deireanach den tsraith, tráchtfar ar fhear atá ina spreagadh ag peileadóirí Thír Eoghain agus ag neart eile freisin.

Físeáin ar Fáil