Léirmheas Leabhar | Cláir | TG4 | Súil Eile Skip to main content

Léirmheas Leabhar

Céa
7.30pm
     

Sraith nua ina dtabharfaidh léirmheastóirí agus
údair a meas ar leabhair Ghaeilge nua-fhoilsithe.

Fógraíocht

Léirmheas Leabhar 1-4

Rátáil Tuismitheora: G

Sraith nua ina dtabharfaidh léirmheastóirí agus údair a meas ar leabhair Ghaeilge nua-fhoilsithe. Beidh léirmheas á dhéanamh ar an úrscéal fantaisíochta mór le rá, 'Cluiche na Corónach' nó 'Game of Thrones' atá aistrithe go Gaeilge ag Oisín Ó Muirthile. Beidh Tadhg Mac Dhonnagáin, Futa Fata, i Bologna na hIodáile, ag mór-aonach Leabhar Páistí agus déanfaidh déagóirí an leabhar 'Raic' le Máire Uí Dhufaigh a mheas. Á chur i láthair ag Róisín Ní Ghairbhí.

Chéad Taispeántas: 26 Aib

Rogha Fotheidil

Tá deacrachtaí le fotheidil ar roinnt ‘browsers’ faoi láthair. Tá muid ag obair iad seo a chuir ina gceart. Idir an dá linn, tá siad ar fáil ar an APP IOS (saor in aisce le íoslódáil).

Le fotheidil a roghnú, brú cc ag bun an scáileáin.

Má tá fotheidil Ghaeilge cruthaithe againn, is féidir iad seo a roghnú in áit na bhfotheideal béarla.

Má tá tú ag breathnú ar Explore 8 nó ar Windows ’95 nó níos sine, ní oibreoidh na roghanna nua. Is gá mar sin uasghrádú ar do árdán.

Déan teagmháil linn má tá aon deacracht agat.

Foilsitheoirí Leabhar Gaeilge. Brú ar an nasc thíos:

Sraith nua míosúil litríochta & léirmheastóireachta é ‘Léirmheas Leabhar’ urraithe ag Foras na Gaeilge.  Is í an Dr. Róisín Ní Ghairbhí a bheidh ag cur an t-sraith i láthair.  Beidh béim á cur ar shaothar nua-fhoilsithe, agus léirmheasanna á ndéanamh ar iliomad seánraí do léitheoirí fásta agus léitheoirí óga.  Beifear ag tabhairt eolais maidir le féilte litríochta agus féilte leabhar chomh maith le plé a dhéanamh ar leabhair.  Beidh painéal de léirmheastóirí i dteannta Róisín ar gach clár.

www.facebook.com/leirmheasleabhar
www.twitter.com/LeirmheasTG4

Clár 4 – 26.04.17 @ 7.30pm

Beidh léirmheas ar chlár na míosa seo ar an úrscéal fantaisíochta cáiliúil, ‘Cluiche na Corónach’ nó ‘Game of Thrones’ aistrithe go Gaeilge ag Oisín Ó Muirthile. Beidh Tadhg Mac Dhonnagáin ó Futa Fata i mBologna na hIodáile, ag mór-aonach Leabhar na bPáistí. Is é seo an príomh-aonach do fhoilsitheoirí leabhar do pháistí, agus beidh ionadaithe ann ó 75 tír éagsúil agus suas le 25,000 duine i láthair thar an cheithre lá; agus beidh léirmheas ag déagóirí ar an leabhar ‘Raic’ le Máire Uí Dhufaigh.


 Na hÚdair


Máire Uí Dhufaigh

LiamMacCoil-1
Rugadh agus tógadh Máire Uí Dhufaigh (Ní Chonghaile) in Inis Oírr i gCuan na Gaillimhe. Tá blianta caite aici i mbun múinteoireachta, agus bhí sí ina comhordaitheoir ar an tionscadal a chuir an pacáiste teagaisc Séideán Sí ar fáil do bhunscoileanna atá ag múineadh trí mheán na Gaeilge. Tá dhá leabhar ficsin scríofa aici sa tsraith ‘Oileán na Leice’.

  Imeachtaí


Féile na Bealtaine

www.feilenabealtaine.ie
Seoladh Leabhair ag Féile na Bealtaine
Fé Gheasa / Spellbound
Le Dairena Ní Chinnéide

Seolfaidh an file Nuala Ní Dhomhnaill an cnuasach nua Fé Gheasa / Spellbound (Arlen House) le Dairena Ní Chinnéide mar chuid d’Féile na Bealtaine i Milltown House, An Daingean, 4.00 i.n. Dé Sathairn, 29 Aibreán. Beidh ceol beo le Rónán Ní Snodaigh.

Léamh as Seacht mBua an Éirí Amach / Seven Virtues of the Rising agus ceol beo le Diarmuid de Faoite agus Nuala Ní Chanainn
Ionad an Bhlascaoid Mhóir, Dún Chaoin, Co. Chiarraí
29 Aibreán ag 6.30 i.n.
www.cic.ie

‘Seacht mBua an Éirí Amach’ a scríobh Pádraic Ó Conaire; an tOchtú Bua a thug Seosamh Mac Grianna ar a shaothar ach is cinnte gur naoi n-inseacht a bheidh ag Diarmuid de Faoite sa léamh dátheangach seo a chaithfidh solas ar chúlra na gcarachtar, ar chuid de mhórphearsa na scéalta agus ar réabhlóid an Chonairigh féin.
Ceol álainn agus amhráin bríomhara na linne sin leis an amhránaí agus an veidhleadóir Nuala Ní Chanainn. Fíricí, bréaga agus deis agat do ladar féin a chur sa scéal. Beir leat do bhua.

 

CÚIRT

Féile Idirnáisiúnta Litríochta
ImeachtaíGaeilge: www.cuirt.ie

Ó Íochtar Mara – Saothar Chaitlín Maude
Ionad Cultúrtha an Phiarsaigh, Ros Muc, Co. na Gaillimhe
27 Aibreán 7.00 i.n. – 8.00 i.n.
Ticéid: €10 / €8

Tá an ócáid seo á reáchtáil ag Cúirt i gcomhair le hOireachtas na Gaeilge. Ba dhuine de phríomhfhilí a linne í Caitlín Maude a rugadh in 1941 is a cailleadh in 1982. Amhránaí sean-nóis, drámadóir, scríbhneoir, oideachasóir agus gníomhaí polaitiúil a bhí inti. Déanann an taibheoir Caitríona ní Chonaola míreanna as prós, filíocht agus amhráin Chaitlín a chur i láthair san ócáid seo.

Songs from a Room
Lasairfhíona Ní Chonaola
The King’s Head, An tSráid Ard, Gaillimh
28 Aibreán, 1.00 i.n.
Ticéid: €10 / €8

Cuirfidh an sár-amhránaí Lasairfhíona Ní Chonaola as Inis Oírr ó dhúchas, rogha amhrán nua-chumtha agus sean-nóis i láthair ag an ócáid seo a chuirfidh scoth na n-amhrán ó thraidisiún na nGael i láthair i suíomh comhaimseartha.

An Focal Grá
Caitríona Ní Chléirchín, Ceara Conway, Séamus Barra Ó Súilleabháin
29 Aibreán ag 2.00 i.n.
An Taibhdhearc, An tSráid Láir
29 Aibreán, 2.00 i.n.
Ticéid: €8 / €10

Tá an imeacht seo á reáchtáil i gcomhair le hOireachtas na Gaeilge.
Cuirfidh an físealaíontóir Ceara Conway, an file agus criticeoir Caitríona Ní Chléirchín agus an reacaire Séamus Barra Ó Súilleabháin rogha saothar i láthair ar théama an ghrá.

 

Seoladh leabhair DCU

Seolfaidh an tOllamh Kevin Scannell an leabhar An ríomhaire ilteangach le Michael Boleslav Měchura ar an Luan, 8 Bealtaine ag 3.15 i.n. mar chuid de sheimineár poiblí atá á reáchtáil faoi chúram Fiontar agus Scoil na Gaeilge, DCU. Beidh cainteanna ó dhaoine i saol na Gaeilge a bhaineann úsáid nuálaíoch as an ríomhaireacht ina gcuid oibre. Saor chead isteach. RSVP: arit@lexiconista.com faoin Aoine, 28 Aibreán. Tuilleadh eolais: http://www.lexiconista.com/arit/seiminear/

 

Lorcán Mac Mathúna agus ‘Visionaries’

An Chultúrlann, Béal Feirste
8in, Dé Sathairn, 29 Aibreán.  £10/8 ar an doras. £8/6 ar líne

Breis is 100 bhliain ón am a tharla Éirí Amach 1916, réabhlóid shuaithinseach ina raibh filí, ealaiontóirí agus lucht físe páirteach ann, tugann Visionaries le Lorcán Mac Mathúna, píosa amharclainne  cheoil,  chun solais an fhís agus an spleodar i scribhinní Phádraig Mhic Piarais, Séamus Ó Conghaile, Eamonn Ceannt agus Seosamh Pluincéid. Baintear úsáíd as focail na réabhlóidithe chun ceiliúradh a dhéanamh ar a bhfís i píosa cheol dhramaíocht ar leith le ceol nua chumtha agus íomhánna ar leith ón gcartlann atá anamúlacht curtha leis. Pairteach sa cheolchoirm seo tá guthanna fear, ban agus páisti.   Tá siad go léir ag tabhairt chun cuimhne na haislingí a bhi i bhForógra na Cásca agus ag ceiliúradh páirt mhuintir na heireann i gceann d’eachtraí móra na staire.
Páírteach
Lorcán Mac Mathúna (guth)
Íde Nic Mhathúna (guth agus consairtín)
Martin Tourish (bosca ceoil)
Daire Bracken (fidil.giotar)
Eamonn Galdubh (piobaí uilinn, Sacsafón, feadóg, bodhrán)
Elaine O’Dea (trachtaireacht)

 

Ceardlann le Aodán Cartúnaithe

Seo deis iontach ag do rang nó grúpa freastal ar cheardlann le ceann de na cartúnaithe is dearthóirí greannán is fearr sa tír. Tá Aodán chun ceardlann a thabhairt do dhaoine ar spéis leo an cineál sin litríochta.   27/8 Aibreán.

Fiosruithe:concubhar@culturlann.ie

REIC

Generator Hostel, Margadh na Feirme
11ú Bealtaine
Doirse 19:30, Tús 20:00

www.business.facebook.com/reic.eire

Sponsored by
foras_na_gaeilge_logo_2_5_mor_bosca_ban_thbitmap

Físeáin ar Fáil