Baile » Cláir » Comhrá

Formáid thar a bheith  simplí í seo ina ndéantar dreas comhrá le duine gan áiféis ná gáifeacht.  Leagann an tsraith seo méar ar chuisle na hÉireann.  Tá bua ar leith ag Máirtín Tom Sheáinín, cuireann sé a chuid aíonna ar a gcompord agus faigheann siad deis scéal a mbeatha a insint ar a mbealach féin.

Tá Máirtín sa chúlráid chun an cuntas a stiúradh go ciúin stuama.   Is iad muintir na hÉireann ábhar an chláir seo. Cé go bhfuil próifíl phoiblí agus aithne mhaith ar fud na tíre ar chuid de na haíonna an séasúr seo, is ar ghnéithe eile dá saol a bheidh siad ag trácht.

I measc na n-aíonna an séasúr seo beidh iarAire Rialtais i dTuaisceart Éireann, fear a thug a shaol ag ceol i ré órga na seó-bhannaí, bean a tógadh le Gaeilge i Norwood Mheiriceá, saighdiúir in Arm Mheiriceá a sheachain cogadh Vietnam mar go raibh Gaeilge aige agus amhránaí binn as Múscraí a bhfuil a chumas gnó léirithe aige i roinnt réimsí éagsúla tráchtála.

Josie Mac Suibhne - Déardaoin 25.09 @ 7:30pm

Josie Mac Suibhne, fear as Gaoth Dobhair a bheidh sa stiuideó an tseachtain seo. Bhí sé ag obair d'fheirmeoirí i Sasana nuair nach raibh sé ach sé bliana déag d'aois. Tá a fheirm féin aige anois sa mbaile. Ar an 4ú do Bealtaine 1989 tharla timpiste agus d'athraigh a shaol. Déanann sé cur síos ar an eachtra sin agus ar a shaol ó shin.

1
Níl TG4 freagrach as an ábhar ar Shuíomh Gréasáin seachtrach ar bith