Baile » Cláir » GAA Beo

Tá go leor ábhar suntais i sceideal CLG TG4 don tréimhse Feabhra-Bealtaine 2015 a foilsíodh inniu.   Craolfar iomlán na himeartha ó suas le leathchéad chluiche ar fad i raon leathan comórtas, idir bheo-chraoladh agus iar-chraoladh.  Tabharfar tús áite do Chraobh Club AIB agus na Sraitheanna Náisiúnta Allianz ach beidh mór-chomórtais na gcoláistí agus na n-iarbhunscoileanna ar fáil chomh maith, ina measc, na Craobhacha faoi 21, Cluichí Ceannais Choirn Mhic Shigir agus Mhic Giobúin (urraithe ag Independent.ie) Cluichí Ceannais na gCraobh Iarbhunscoile (urraithe ag Masita), Corn Uí Chonchúir (Craobh na gColáistí Tríú Leibhéal i bPeil na mBan) agus Cluichí Ceannais na Sraithe i bPeil na mBan (urraithe ag Tesco).

Ní chuirfear bailchríoch ar liosta na gcluichí a chlúdófar ar TG4 i ndeireadh na Sraithe go dtí go mbeidh sé soiléir cé hiad na foirne atá  ag cruthú go maith ionas gur féidir a chinntiú go mbeidh na cluichí  is cinniúnaí á gclúdach.

Is é Nemeton an comhlacht léiriúcháin aitheanta ó Ghaeltacht na Rinne a léiríonn an clúdach seo ar fad do TG4, á láithriú ag Micheál Ó Domhnaill agus le tráchtaireacht ó Bhrian Tyers.

GAA BEO - 08.07.15 @ 7.15pm

Loch Garman -v- Cill Chainnigh

Craoladh beo ar Loch Garman v Cill Chainnigh i gCluiche Ceannais Iomána Faoi 21 Chúige Laighean Bhord Gáis Energy. 

Níl TG4 freagrach as an ábhar ar Shuíomh Gréasáin seachtrach ar bith