Baile » Cláir » Imeall

Tá séasúr spreagúil fuinniúil eile chugainn den chlár seachtainiúil ó shaol an chultúir agus na n-ealaíon.   Bíonn fís agus faobhar sna míreanna a chuireann an láithreoir Tristan Rosenstock agus a chomhghleacaithe inár láthair agus is minic iad ag taisteal na gcúl-bhóithre ealaíne ar thóir seoda nach bhfeicfeadh solas an lae murach iad.

Tugtar ardán don talann nua ach ní ligtear na healaíontóirí bunaithe i ndearmad ach oiread.  Ar na daoine a bheidh ag roinnt a saothair linn sa tsraith nua agus ag labhairt faoina n-ealaíon féin, beidh an píobaire cáiliúil agus ceann feadhain na Chieftains le caoga bliain Paddy Moloney, an t-údar Emma Donoghue, an cumadóir agus cóiritheoir ceoil Bill Whelan, an file Doireann Ní Ghríofa, an

t-amhránaí Hozier, an file Paula Meehan, an t-ealaíontóir Mick O’Dea agus an t-aisteoir aitheanta Gael-Mheiriceánach John Mahoney.

Más áil leat bheith i dtiúin lena bhfuil ag tarlú i saol an chultúir ar an oileán seo, bí cinnte go bhfuil tú ar an imeall!

Imeall - Déardaoin, 02.10 @ 10:15pm

Clár Ealaíon TG4. Casfaimid leis an aisteoir cáiliúil John Mahoney agus leis an drámadóir as Éirinn Christian O'Reilly a d'fhreastail ar Fhéile Ealaíon na Gaillimhe i mbliana. Tá clú agus cáil ar John de bharr an róil a bhí aige sa tsraith as Meiriceá Frasier. Ghlac John an príomhról sa dráma Chapatti a scríobh Christian O'Reilly. Casfaidh Marketa Irglova ceol dúinn óna halbam nua. Bhuaigh Marketa Oscar don amhrán 'Falling Slowly' in 2007.

Déardaoin @ 10:15pm | Athchraoladh Dé Domhnaigh tar éis meán oíche (01:10)

1234
Níl TG4 freagrach as an ábhar ar Shuíomh Gréasáin seachtrach ar bith