Baile » Cláir » Ros na Rún

An sobal is daonna agus is dúchasaí ar an teilifís in Éirinn, an t-aon cheann Éireannach a bhfuil rian na talún air. Tá an meon tíriúil sin agus an greann i gcroílár an dráma agus é nádúrtha dá réir, tréith a thuigeann a phobal féachana sa bhaile agus i gcéin.

Tá sé ar cheann d’ancairí an chlársceidil ar TG4 ón tús agus níl aon mhaolú ar an tóir atá air gach séasúr. Ní ionann sin agus a rá nach bhfuil gach gné den saol comhaimseartha - ceisteanna caidrimh, grá, gnó, teannas teaghlaigh, magadh agus spochadh na gcomharsan agus mór-fhadhbanna pearsanta agus pobail le feiceáil ann.  Déileáiltear leo seo ar fad ach ar bhealach tuisceanach daonna agus beidh sin ar fad ar fáil sa séasúr nua.

Déardaoin, 24.04 @ 8.30pm

Ní bhíonn dé ná deatach ar Jason nuair a bhíonn ar Lee dul chuig an ospidéal gan choinne. Ar ndóigh bhí coinne ag Jason é féin ag an ospidéal. Céard a inseoidh sé do Lee nuair a thiocfaidh sé abhaile agus í ag fanacht leis? Insíonn Alanna do Mhicheál go bhfuil an Sirriam ar an mbealach agus eagraíonn sé muintir an bhaile le dul i mbun agóide. An n-éireoidh leo teach Mhichíl a choinneáil? Bíonn imní ar Chaitríona nuair a fhaigheann sí glaoch gutháin ó Jennifer. Tá imní uirthi go bhfuil Pearse ag dul in éineacht le bean eile. Tuigeann Caitríona anois an damáiste atá déanta aici.

Dé Máirt & Déardaoin @ 8.30pm | Athchraoladh Dé Domhnaigh @ 10.30pm

Níl TG4 freagrach as an ábhar ar Shuíomh Gréasáin seachtrach ar bith