Baile » Cláir » Ros na Rún

Is é seo an sobal is daonna agus is dúchasaí ar an teilifís in Éirinn, an t-aon cheann Éireannach a bhfuil rian na tuaithe air. Tá an meon tíriúil sin agus an greann i gcroílár an dráma agus é nádúrtha dá réir, tréith a thuigeann a phobal féachana sa bhaile agus i gcéin.

Tá sé ar cheann d’ancairí an chlársceidil ar TG4 ón tús agus is ag méadú in aghaidh an tséasúir atá an tóir atá air.

Ní ionann sin agus a rá nach bhfuil gach gné den saol comhaimseartha  - ceisteanna caidrimh, grá, gnó, teannas teaghlaigh, magadh agus spochadh na gcomharsan agus mór-fhadhbanna pearsanta agus pobail le feiceáil ann.  Déileáiltear leo seo ar fad ach ar bhealach tuisceanach daonna agus beidh sin ar fad ar fáil sa séasúr nua.

Anois agus a mac óg saolaithe, seo Lee and Jason ar thóir áit cheart chónaithe dá saol nua le chéile.   Tá neart dúshlán sáraithe acu go dtí seo ach tuilleadh driseacha ina gcosáin fós, is léir.

Cuirtear cor cinniúnach eile i saol Mháire agus Pheadair nuair a thagann cuairteoir chuig a dteach lóistín agus faisnéis aige a chroithfidh go smior iad.   Tá amhras freisin faoi strainséir eile a thagann an bealach agus é thar a bheith fiosrach faoi lucht gnó an bhaile i gcoitinne agus faoi Thadhg ach go háirithe.

Ní go maith atá Cathal ag teacht chuige féin ón mbrón.  Creideann sé fós go bhfuil sé i mbaol a dhúnmharaithe agus spreagann seo taomanna óil, amhrais agus paranoia.

Tagann Mack ar eolas faoi choiriúlacht de thoradh a chuid mí-iompair féin.  Fágann seo go mbeidh air rogha choinsiasa a dhéanamh, cinneadh nach n-oireann dá nádúr.

Clár 26 - Déardaoin 27.11 @ 8:30pm

Féachann Caitríona teacht ar an bhfírinne faoi FadeAway ach níl sí ach ina thús! Bíonn Eimear an-sásta leis an bhfáilte a chuireann Lee agus Jason roimpi ach bíonn amhras uirthi faoi Eoin. Tuigeann Niamh anois nach cairde cearta iad na cairde atá aici agus admhaíonn d'Evan go raibh an ceart aige fúthu. An mbeidh Niamh agus Evan mór le chéile arís?

Clár 27 - Dé Máirt 02.12 @ 8:30pm

Tá ríméad ar Jason go bhfuil sé in ann siúl arís. Baintear siar as é nuair a thuigeann sé go raibh Lee ag insint bréag dó. Bíonn Evan an-sásta go bhfuil cúrsaí feabhsaithe idir é féin agus Niamh ach is gearr é áfach nuair a cheapann Niamh go bhfuil feall déanta aige uirthi. Bíonn Caitríona sásta go bhfuil Clodagh díbeartha aici ach céard faoin airgead uilig a chaillfidh sí d'uireasa Clodagh agus a táirge áilleachta?

Dé Máirt & Déardaoin @ 8.30pm

123
Níl TG4 freagrach as an ábhar ar Shuíomh Gréasáin seachtrach ar bith