Baile » Cláir » Rugbaí ar TG4

Clúdach cuimsitheach TG4 ar an RaboDirect PRO12 & Corn Heineken

Leanfar leis an gclúdach cuimsitheach rugbaí ar TG4 an Fómhar seo le beochlúdach agus buaicphointí ar an trí chomórtas club is tábhachtaí san Eoraip.

Tosóidh an t-aicsean ar an gcainéal Gaeilge le ar an séasúr nua sa tSraith RaboDirect Pro12 ag deireadh na seachtaine seo. Beidh cluichí den scoth ag na foirne Éireannacha ar fad sa tsraith á mbeochlúdach ag TG4 gach deireadh seachtaine den chomórtas seo, ag tosú 6.45pm an Satharn seo chugainn, 7 Meán Fómhair, Mumha v Dún Éideann i bPáirc Musgrave.

Beidh beochraoladh ar TG4 ar chluichí gach deireadh seachtaine den tsraith seo agus feicfear na cúigí Éireannacha ar fad ag imirt go rialta sa rogha cluichí atá déanta. Mairfidh an comórtas seo go deireadh na Bealtaine 2014. Ar bhonn sraithe imrítear an comórtas ina thús agus beidh an cheithre fhoireann atá ag barr na sraithe ag an deireadh i dteideal imirt sna cluichí leath-cheannais i lár na Bealtaine seo chugainn.

Tá cearta ag TG4 freisin ar Chorn Heineken Cup, príomh-chomórtas na gclub san Eoraip. Ceart eisiacha iachraolta in Éirinn atá ag TG4 ar an gcomórtas seo. Imreofar cluiche ceannais an Choirn 2014 i Staid na Mílaoise i gCardiff, i mí Bealtaine seo chugainn, an lá tar éis Chluiche Ceannais Chorn Amlin sa gcathair chéanna. Foirne nár éirigh leo dul chun cinn go maith sa gCorn Heineken a imríonn i gCorn Amlin.

Is í Máire Treasa Ní Dhubhghaill a chuireann Rugbaí Beo i láthair le tráchtaireacht ó Ghearóid Mac Donncha agus anailís den scoth ó Jerry Flannery, Éamonn Molloy, John Broderick agus daoine eile.

Níl TG4 freagrach as an ábhar ar Shuíomh Gréasáin seachtrach ar bith