Réalta agus Gaolta | Siamsaíocht | Tallann | Ceol | Damhsa | Clann | TG4 Skip to main content
Menu

Réalta agus Gaolta

     

Tá sé in am teacht ar
an gcéad teaghlach eile
a chuirfidh siamsaíocht ar fáil don tír.

Réalta agus Gaolta

Ó na deartháireacha Clancy go Crystal Swing, tá teaghlaigh na hÉireann ag cur siamsaíocht ar fáil leis na blianta. Tá cáil ar fud an domhain ar theaghlaigh mar The Corrs i saol an phopcheoil nó ar mhuintir Cunningham mar gheall ar an damhsa gaelach.
Tá sé in am anois teacht ar an gcéad teaghlach eile a chuirfidh siamsaíocht ar fáil don tír.

 

Le linn 13 clár de Réalta agus Gaolta, tá sé i gceist teacht ar theaghlaigh úrnua réaltaí.

Chuamar fud fad na tíre ag lorg na dteaghlach is siamsúla ann agus anois tabharfaidh siadsan aghaidh ar a chéile sa stiúideo. Beidh seantuismitheoirí againn ag damhsa in éineacht le clann a gclainne, aithreacha agus a gclann mhac ag ceol, máithreacha, aithreacha agus ag gclann ag casadh na bport, col ceathracha ag crochadh cloigeann an tí le popcheol agus neart eile.

 

Is í Síle Seoige, a thuigeann go maith mar a oibríonn teaghlaigh i saol na siamsaíochta, a chuirfidh an tsraith i láthair!

Ag coinneáil súil ghrinn ar na teaghlaigh beidh na moltóirí:

Rónán Ó Snodaigh, ceoltóir agus príomhamhránaí Kíla. Ó bheith ar stáitse in éineacht lena chuid deartháireacha i Kíla is maith a thuigeann Rónán an t-olc agus an mhaith atá le bheith i mbun siamsaíochta in éineacht le do mhuintir féin. Ní chuirfidh sé fiacail ann nuair a bheidh sé ag tabhairt a bhreithiúnais do na hiomaitheoirí.
Aoife Scott, amhránaí agus scríbhneoir amhrán as Baile Átha Cliath. Duine de theaghlach clúiteach Black, ina measc a máthair Frances agus a haint Mary, tá mianach an cheoil go smior in Aoife.
Sinéad Ní Uallacháin, craoltóir agus léiritheoir. Tá taithí mhór ag Sinéad i saol an raidió agus mar sin beidh a fhios aici go maith cad atá de dhíth ón tír. Is ise guth na ndaoine ar an bpainéal.

 

Cé acu teaghlach a bhainfidh clú agus cáil amach? Cé a rachaidh ón seomra suí go dtí an stáitse náisiúnta? Cé hiad an chéad teaghlach eile a chuirfidh an tír ag luascadh?

Cé bheidh ina seaimpíní Réalta agus Gaolta?

 

Físeáin ar Fáil