Sceidil TG4

Dé hAoine 26 Aibreán

• 5:30AM

  

  France 24Sraith 11, Eipeasóid 116

  Cainéal nuachta 24 uair an chloig na Fraince atá i France 24. Bíonn an clár á chraoladh beo as Páras. Tá 180 iriseoir ag an stáisiún ar fud an domhain mhóir a thugann tuairiscí cuimsitheacha agus cumasacha chuig an lucht féachana ar imeachtaí móra laethúla.

• 7:00AM

  

  Cúla 4

  Beidh Cúla 4 ar an aer ón 7 gach maidin agus ón 4 tráthnóna ó Luan go hAoine. I measc na gclár iontach a bheidh ar siúl beidh Angelo Rules, Get Ace, Jungle Bunch, Camp Lakebottom, Dude that's my Ghost, Garfield agus neart eile.

• 7:02AM

  

  MofySraith 1, Eipeasóid 10

  Coinnigh Ort

  Níl aon ghiúmar ar Chiarán mar nár roghnaíodh a amhrán sa gcomórtas.

• 7:07AM

  

  MofySraith 1, Eipeasóid 11

  Amhrán

  Cumann Mofy amhrán faoi úll a thit de chrann ach cailleann sí a misneach nuair nach mbíonn sí in ann an t-amhrán a chríochnú.

• 7:13AM

  

  Balloon BarnyardSraith 1, Eipeasóid 11

  Lá na Báistí

  Tá an lá an-fhliuch. An mbeidh na hainmhithe ar fad tirim sa scioból?

• 7:20AM

  

  Olobob TopSraith 1, Eipeasóid 4

  Figear Feaigear

  Caithfidh na hOlobobanna áit bhog a shocrú don Duine Mór le titim ann.

• 7:25AM

  

  Tractor TomSraith 1, Eipeasóid 22

  Cearca Trína Chéile

  Bíonn rudaí aisteacha ag tarlú ar an bhfeirm san oíche. Is mór an mhaith go bhfuil Tom thart chun teacht ar an gcréatúr mistéireach.

• 7:35AM

  

  Kid E CatsSraith 1, Eipeasóid 43

  Ficheall

  Tá Milseog ag iarraidh cluiche fichille a imirt - ach cé a imreoidh in éineacht leis?

• 7:40AM

  

  Kid E CatsSraith 1, Eipeasóid 44

  Traein na gCat

  Rachaidh na piscíní agus a gcuid cairde ar eachtra ar thraein.

• 7:45AM

  

  School of RoarsSraith 1, Eipeasóid 28

  Fáinní

  Tá sé ag gleadhradh báistí ag an scoil mar sin eagraíonn an Mháistreás Grizzlesniff cluiche taobh istigh. Bíonn gach rud mar is ceart nó go dtagann cantal ar Wufflebump agus milleann sé an cluiche.

• 7:52AM

  

  Olly an Veain Bheag BhánSraith 1, Eipeasóid 36

  Olly agus an Robálaí

  Bíonn Olly síoraí ag iarraidh cúnamh a thabhairt do dhaoine ach níl a chúnamh ag teastáil ó aon duine inniu.

• 7:57AM

  

  Olly an Veain Bheag BhánSraith 1, Eipeasóid 37

  Olly an Bleachtaire

  Cé atá ag goid na mbananaí ó Iníon Florette agus ó mhuintir an bhaile? An mbeidh Stan agus Olly in ann breith ar an ngadaí?

• 8:03AM

  

  DotSraith 1, Eipeasóid 17

  Hal ar an Tanaí

  Tá Dot ag súil go mór le dul ag spraoi sa loch in éineacht le Hal.

• 8:15AM

  

  The Furchester HotelSraith 1, Eipeasóid 28

  Croch é, caith é, cuardaigh é

  Tá a lúibín gruaige caillte ag bó agus cuireann ár gcairde fios ar dhá luch aisteacha chun cabhrú leo é a aimsiú.

• 8:26AM

  

  Maya an BheachínSraith 2, Eipeasóid 4

  Turas Scoile

  Ní fada go dtéann cúrsaí ó smacht nuair a thugann Willy na beacha óga ar thuras scoile.

• 8:40AM

  

  Bubu & na hUlchabháin BheagaSraith 1, Eipeasóid 11

  Bia na Foraoise

  Faigheann na hulchabháin bheaga amach faoin mbia a itheann ainmhithe éagsúla.

• 8:51AM

  

  Masha agus an BéarSraith 1, Eipeasóid 2

  Codladh an Gheimhridh

  Tá an Béar ag iarraidh codladh ar feadh an gheimhridh ach ní tharlóidh sé sin agus Masha thart!

• 8:58AM

  

  KazoopsSraith 1, Eipeasóid 67

  Ionadh ar Stan

  Tá Violet ag iarraidh turas a phleanáil do Stan ach níl Monty in ann é a choinneáil faoi rún.

• 9:05AM

  

  ZouSraith 3, Eipeasóid 14

  Zou agus an Snag Breac Stiúgtha

  Tá snag breac ag cur isteach ar Zou atá i mbun obair ealaíne.

• 9:16AM

  

  Ár Scéal (GS)Sraith 1, Eipeasóid 26

  Daithí Damhán Alla

  Tabharfaidh Úna Ní Fhlatharta cuairt ar scoileanna ar fud na tíre chun scéalta a bhailiú agus chun cabhrú leis na daltaí óga tabhairt faoi thograí móra ealaíne bunaithe ar charachtair agus ar théamaí na scéalta. Ar Scoil Mhuire, Ros Muc, Co. na Gaillimhe a thabharfaidh Úna cuairt inniu chun scéal faoi dhamhán alla a chur lena bailiúchán scéalta. Beidh an-spraoi aici lena cairde beaga ag déanamh damháin alla cairdiúla dá gcuid féin sula n-éisteann siad leis an scéal 'Daithí Damhán Alla'.

• 9:30AM

  

  Ainmhí 999 (OS & TS)Sraith 2, Eipeasóid 7

  Sraith ina dtugtar léargas ar an obair a dhéanann carthanacht ainmhithe in Albain. Tá éan creiche sáinnithe i gcarrchlós i nDún Éideann.

• 10:00AM

  

  Little House on the Prairie (TS)Sraith 7, Eipeasóid 7

  Divorce, Walnut Grove Style

  Tá Laura in éad le seanchara Almanzo. Bogann sí ar ais abhaile arís mar gheall uirthi.

• 10:55AM

  

  Gilmore Girls (TS)Sraith 1, Eipeasóid 4

  The Deer-Hunters

  Sraith ghrinn drámaíochta. Níl ag éirí rómhaith le Rory sa scoil nua. Tugann Lorelai taitneamh don mhúinteoir slachtmhar atá ag Rory.

• 11:45AM

  

  Cheese Slices (TS)Sraith 6, Eipeasóid 4

  Italy - Cheeses of the North East

  Sraith a fhiosraíonn na scéalta agus na traidisiúin iontacha a bhaineann leis na cáiseanna is mó cáil ar domhan. Cáiseanna traidisiúnta a dhéantar sna hAlpa in Iarthuaisceart na hIodáile a bheidh faoi chaibidil inniu. Rachaidh Will go bunchnoic na nAlp le casadh leis an duine is faide atá ag déanamh cáise san Iodáil. Taispeánfar dó mar a dhéantaí Asiago d'Avello ar thine adhmaid sula dtabharfaidh sé a aghaidh ar dhéirí theaghlach Perezin a dhéanann Montasio. Rachaidh sé go Dolomites chun siléar cáise atá i seanbhuncar a théann siar roimh aimsir an chogaidh a fheiceáil.

• 12:15PM

  

  Logainm (OS & TS)Sraith 1, Eipeasóid 6

  Miotaseolaíocht

  Sraith 26 clár, ina dtugtar léargas agus léirmhíniú ar ainmneacha áite na hÉireann, staidéar a thugann chun solais go leor den saibhreas staire, tíreolaíochta, béaloidis agus seanchais atá ar fáil iontu. Is iomaí cúis a bhí ag ár sinsear le hainm a thabhairt ar áit, ar shliabh, ar loch ar chuan nó ar ghleann. Dreach na tíre féin a spreag cuid de na hainmneacha, naomh-phatrún áitiúil uaireanta eile nó pearsa as an bhFiannaíocht nó as an Rúraíocht. Á cur i láthair ag Breanndán Ó Beaglaioch.

• 12:45PM

  

  Amhráin is Ansa Liom (OS)Sraith 2, Eipeasóid 13

  Brian Ó Domhnaill

  Is é Brian Ó Domhnaill as Anagaire Co. Dhún na nGall a bheidh ar chlár an lae inniu. Casfaidh sé na hamhráin is ansa leis, 'An Bobaire', 'Mainistir na Búille' agus 'Máire Mhaiseach'.

• 1:15PM

  

  An Trucailín Donn (OS)

  Clár tráthúil faisnéise faoi chás cúirte a ghin conspóid agus poiblíocht iontach do ghluaiseacht na Gaeilge beagán le cois 100 bliain ó shin. Cainteoir dúchais Gaeilge ab ea Niall Mac Giolla Bhríde, feirmeoir beag i dTír Chonaill. Lá amháin i 1905 agus é ag filleadh abhaile go suaimhneach ón margadh, stop póilín é agus chuir toghairm chun cúirte air as na focail Gaeilge seo 'Niall Mac Giolla Bhríghde' a bheith scríofa ar an gcairt aige. Chinntigh an Conradh go raibh tuairiscí sna nuachtáin ag léiriú na héagóra seo agus áiféis na n-údarás ag cur an dlí ar dhaoine as a dteanga dúchais a úsáid.

• 2:05PM

  

  Weakest Link (TS)Sraith 11, Eipeasóid 15

  Sraith Tráth na gCeist ina bhféachfaidh 9 n-iomaitheoir leis an bpota óir a thabhairt abhaile leo. Cuirfear an t-iomaitheoir is measa, dar leis na hiomaitheoirí eile, abhaile ag deireadh gach babhta go dtí nach mbeidh ach duine amháin fanta chun an t-airgead a bhuachan. Á cur i láthair ag Anne Robinson.

• 3:00PM

  

  Cúla 4 na nÓg

  Mír do ghasúir réamhscoile atá i Cúla4 na nÓg a thosóidh gach maidin ag a 7 a.m. go dtí a 10.00 am agus arís ag a 3p.m. i rith na seachtaine. I measc na gclár beidh Wanda and the Alien, Masha agus an Béar, QPootle, Olly an Veain Bheag Bhán agus Dinosaur Train agus neart eile.

• 3:02PM

  

  DotSraith 1, Eipeasóid 24

  Gadaí

  Tá gadaí i ngairdín Dot.

• 3:13PM

  

  KazoopsSraith 1, Eipeasóid 16

  Tá an Oíche Ceart go Leor

  Tá sé in am codlata ach níl Monty ná Jimmy Jones tuirseach. Meas tú an le haghaidh codlata amháin an oíche?

• 3:20PM

  

  Bubu & na hUlchabháin BheagaSraith 1, Eipeasóid 1

  An Crio-Criogar

  Dúisíonn torann Bubu, Biel agus Bonie as a gcodladh. Meas tú céard atá ann?

• 3:31PM

  

  Cat a' Hata (GS)Sraith 1, Eipeasóid 37

  Rabhadh na gCoiníní

  Tá Nic ag iarraidh lón a dhéanamh dá mháthair i ngan fhios di ach bíonn sí seasta ag teacht isteach sa chistin.

• 3:44PM

  

  Cat a' Hata (GS)Sraith 1, Eipeasóid 38

  Cnó i bhFolach

  Níl a fhios ag Nic cár fhág sé a yó-yó.

• 4:00PM

  

  Cúla 4

  Beidh Cúla 4 ar an aer ón 7 gach maidin agus ón 4 tráthnóna ó Luan go hAoine. I measc na gclár iontach a bheidh ar siúl beidh Angelo Rules, Get Ace, Jungle Bunch, Camp Lakebottom, Dude that's my Ghost, Garfield agus neart eile.

• 4:02PM

  

  Alvinnn !!! agus na ChipmunksSraith 1, Eipeasóid 3

  Cá bhfuil na hEachtrannaigh?

  Ceapann Alvin go bhfuil smacht ag eachtráin ar an áit nuair a fheiceann sé Brittany ag déanamh rudaí aisteacha.

• 4:13PM

  

  Dónall Dána (GS)Sraith 4, Eipeasóid 13

  Dónall Dána agus an Fón Nach Raibh Aige

  Caithfidh Dónall fón póca Mháirtín a fháil ar ais ón phríomhoide.

• 4:24PM

  

  Angelo Rules (GS)Sraith 4, Eipeasóid 44

  A bhFuil i nDán

  Samhlaíonn Angelo, Sherwood agus Lola mar a bheidh an saol nuair a bheidh siad mór.

• 4:35PM

  

  Harvey Beaks (GS)Sraith 2, Eipeasóid 11

  An Bhalscóid & An Síol Dána

  Cuirtear iallach ar Fee agus ar Foo dul ag obair i dteach altranais mar phionós ach castar duine an-speisialta ar Fee fad is a bhíonn sí ann. Breathnaíonn Harvey agus a chuid cairde ar scannán thar a bheith scanrúil ach ní bhíonn sé i bhfad go dtuigeann siad go bhfuil duine éigin ag imirt cleas orthu.

• 5:00PM

  

  Is Eolaí Mé (GS)Sraith 1, Eipeasóid 12

  Athchúrsáil

  Athchúrsáil is ábhar do chlár an lae inniu. Ar smaoinigh sibh riamh ar a dtarlaíonn nuair a bhailítear an bruscar sa mbaile? Bhuel tabharfaidh Peadar cuairt ar ionad athchúrsála chun é a fháil amach. Beidh Muireann Ní Ghloinn agus Ailbhe Ní Ghionnáin ag cabhrú sa stiúideo chun piastlann a dhéanamh. Beidh Úna ag breathnú ar na rudaí iontacha a dhéanann siad san ionad 'ReCreate' as ábhar athchúrsála. Mar is iondúil, tabharfaimid cuairt ar an Ollamh Ullamh agus a chúntóir Aodh, go bhfeicfimid a mbeidh ar siúl acu inniu.

• 5:28PM

  

  An Aimsir LáithreachSraith 23, Eipeasóid 116

  Aimsir réigiúnach agus náisiúnta.

• 5:30PM

  

  Seoidíní Staire (OS)Sraith 1, Eipeasóid 6

  Cill Charthaigh

  I measc na nithe a bheidh ar taispeáint i músaem ócáideach na seachtaine seo i gCill Charthaigh i nDún na nGall, beidh clóscríobhán den seanré, bonn a bhfuil íomhá de bhean as an áit air agus inseofar scéal tubaisteach faoi bheirt saighdiúirí a tháinig i dtír le linn an chogaidh.

• 6:00PM

  

  Ceol@Celtic (OS)Sraith 9, Eipeasóid 2

  Sraith bunaithe ar an bhféile ceoil is mó sa gheimhreadh - Celtic Connections. Páirteach sa chlár beidh plúr na gceoltóirí agus na n-amhránaithe agus iad ar stáitse ag an bhféile i nGlaschú. Á cur i láthair ag an gceoltóir aitheanta agus léiritheoir ceoil, Dónal O'Connor.

• 6:30PM

  

  Lurgan 2K18 (OS & GS)Sraith 3, Eipeasóid 4

  Bear Claws

  Sraith siamsaíochta do dhaoine óga ina dtaispeánfar físeáin nua ó, 'TG Lurgan' chomh maith leis na daltaí ardchumasacha a ghlacann páirt iontu. Tabharfar cuntas sa tsraith seo ar na heachtraí saoil a thug na daoine óga seo le chéile agus tabharfar léargas ar an tuiscint atá ag na scoláirí ar chultúr na Gaeilge tríd an gceol. Sa chlár seo seinnfidh Leon an dordghiotár le hamhrán nuachumtha, 'Bogadh ar Aghaidh' agus casfar an t-amhrán 'Bear Claws' leis an mbanna ceoil Éireannach The Academic.

• 6:45PM

  

  Lurgan 2K18 (OS & GS)Sraith 3, Eipeasóid 5

  These Days

  Sraith siamsaíochta do dhaoine óga ina dtaispeánfar físeáin nua ó 'TG Lurgan' chomh maith leis na daltaí ardchumasacha a ghlacann páirt iontu. Sa chlár seo inseoidh Saoirse dúinn faoin tsuim atá aici i réalteolaíocht agus roinnfidh a cuid tuairimí ar an tábhacht atá le taighde a dhéanamh ar an ábhar seo. Casfaidh Daragh agus Patrick amhrán nuachumtha "Fág É Ann" agus beidh Saoirse ar stáitse ag casadh "These days" le Rudimental.

• 6:57PM

  

  An Aimsir LáithreachSraith 23, Eipeasóid 116

  Aimsir réigiúnach agus náisiúnta.

• 7:00PM

  

  Nuacht TG4Sraith 22, Eipeasóid 116

  Mórimeachtaí an lae ó Aonad Nuachta TG4.

• 7:30PM

  

  Mending Legends (OS & TS)

  Fiosróidh an láithreoir spóirt, Máire Treasa Ní Dhubhghaill ceann de na gortuithe is mó a mbíonn ar lucht spóirt éirí as mar gheall air - gortú teannáin. Féachfaidh sí ar an tionchar a bhíonn ag gortú mar seo ar lúthchleasaithe, ar a n-intinn agus ar a gcolainn. I measc na ndaoine a labhróidh sí leo beidh iar-chaptaen peile na Gaillimhe Pádraic Joyce, an tOilimpeach Jessie Barr agus an t-iar-imreoir rugbaí Denis Leamy. Ar a turas casfaidh sí le saineolaithe spóirt sa gCurrach, i bPáirc an Chrócaigh, in Ospidéal na Tréidliachta i Londain agus in Institiúid Spóirt na hÉireann.

• 8:00PM

  

  Na Sár-Laochra Spóirt (OS & GS)Sraith 1, Eipeasóid 31

  Vincenzo Nibali / Tom Daley / Nadia Comaneci / Donald Bradman

  Ceathrar Sár-laochra ó spóirt éagsúla a bheidh faoi chaibidil anocht ... Vincenzo Nibali, sár-laoch na rothaíochta bóthair, Tom Daley seaimpín domhanda tumadóireachta na Breataine, Nadia Comaneci, an bhean a fuair an dreas is fearr sa ghleacaíocht agus Sir Donald Bradman, an té ab fhearr riamh sa chruicéad.

• 8:30PM

  

  Scothfhoirne (OS & GS)Sraith 1, Eipeasóid 27

  The All Blacks / An Corn Domhanda Rugbaí

  Is údar mór mórtais na All Blacks don Nua-Shéalainn agus is í an fhoireann is cáiliúil sa rugbaí idirnáisiúnta í. Cé a bheadh ar an bhfoireann All Blacks ab fhearr riamh? Ainmneofar freisin na himreoirí ab fhearr nár bhuaigh Corn Rugbaí an Domhain riamh.

• 9:00PM

  

  An Aimsir LáithreachSraith 23, Eipeasóid 116

  An Aimsir Náisiúnta agus Idirnáisiúnta.

• 9:05PM

  

  An Western: Major Dundee (TS)

  (1965, Eachtra, Cogadh, Scannán Buachaillí Bó) Is iad Charlton Heston, Richard Harris agus Jim Hutton na príomhaisteoirí sa scannán seo faoi stiúir Sam Peckinpah. De bharr grúpa Apáitseach a bheith ag thabhairt ruathair trasna as Meicsiceo go Meiriceá socraíonn oifigeach dul thar teorainn go mídhleathach chun slad a dhéanamh ar an treibh.

• 11:20PM

  

  Eoin Mac Néill: Fear Dearmadta 1916 (OS & TS)

  An oíche roimh Éirí Amach na Cásca 1916 d'eisigh Eoin Mac Néill, Ceann Foirne Óglaigh na hÉireann, freasordú ag cur an Éirí Amach ar ceal. D'fhanfadh sin leis go brách. Féachtar sa chlár seo ar an réabhlóidí as Ulaidh agus an bhaint a bhí aige le hathbheochan na Gaeilge, a ról mar Cheann Foirne ar Óglaigh na hÉireann, an tionchar a bhí ag an gCogadh Cathartha ar a mhuintir agus an t-údar a cheap sé Éirí Amach na Cásca a chur ar ceal.

• 0:20AM

  

  The Sinner (TS)Sraith 1, Eipeasóid 8

  Clár deiridh na sraithe. Is é lá na cinniúna é do Cora.

• 1:10AM

  

  France 24Sraith 11, Eipeasóid 116

  Cainéal nuachta 24 uair an chloig na Fraince atá i France 24. Bíonn an clár á chraoladh beo as Páras. Tá 180 iriseoir ag an stáisiún ar fud an domhain mhóir a thugann tuairiscí cuimsitheacha agus cumasacha chuig an lucht féachana ar imeachtaí móra laethúla.