23 DEIREADH FÓMHAR 2017 : 13:29
Cíor thuathail i ndán sa gCatalóin de bharr fhógra na Spáinne
Deir lucht ceannasíochta sa gCatalóin go bhféadfadh cíor thuathail a bheith sa réigiún, mar gheall ar an mhí-shásamh mór atá ar dhaoine le rún Rialtas na Spáinne i Madrid go bhfuil siad le riail dhíreach a chur i bhfeidhm ar an gCatalóin.
Deir rialtas na Spáinne go mbeidh a gcuid cumhachtaí uile le tógáil ó cheannairí an réigiúin, agus go stopfar á n-íoc.
Tá na páirtithe atá ar son an neamhspléachais sa gCatalón ag bualadh le chéile inniu, ag pléigh na ceiste.