Ghlac tuairim is 5,000 duine páirt i slógadh frith-inimirce i mBaile Átha Cliath inniu.
Bhailigh siad le chéile sa Ghairdín Cuimhneacháin agus mháirseáil siad síos Shráid Uí Chonaill le comharthaí éagsúla á n-iompar acu, ina measc 'Tá Éire lán'.
Chomh maith le sin, Bhí tuairim is 1,000 duine eile ón ngrúpa ''Aontaithe in aghaidh an chíníochais'' i mbun léirisithe chomh maith.
Dúirt an grúpa sin gur thug siad faoi shráideanna na príomhchathrach chun a thaispeáint go bhfuil fáilte roimh imircigh in Éirinn.
Deir siad go raibh tacaíocht acu ó 50 eagraíocht san áireamh, eagraíochtaí ceardchumainn, Aontas na Mac Léinn, gníomhaithe tithíochta agus grúpaí imircigh.
Bhuail an dá agóid lena chéile ar Shráid Uí Chonaill i gcroílár na príomhchathrach.
Cé go raibh teannas san aer, níor tharla aon eachtra.
Bhí aonad na n-ord poiblí de chuid an Gharda Síochána i láthair agus bhí tacaíocht acu chomh maith ó aonad tacaíochta na nGardaí san aer.
Tá deireadh leis na hagoidí anois. Tá Gardaí fós ar dualgas sa phríomhchathair tráthnóna.