Ciontaíodh bean sna caogadaí as éascú a dhéanamh le go bhféadfaí iníon léi a éigniú gan í ach 6 bliana d'aois.
Ciontaíodh uncail an chailín óig as an éigniú féin..
Sna fichidí anois atá an bhean a héigníodh nuair a bhí sí in aois linbh.
Thug sí cuntas sa Phríomh-Chúirt Choiriúil as an mbealach ar fhás sí suas i dteaghlach a bhíodh go síoraí ag ól agus foiréigneach go minic.
Ní féidir an teaghlach atá i gceist a ainmniú ar mhaithe le haitheantas na mná a d'fhulaing a chosaint.
Thart ar 3 1/2 bliain a bhí sí a dúirt sí nuair a héigníodh ar dtús í, a máthair a bhí ciontach an uair úd de réir a tuairisce.
'Sula raibh mé 6 bliana d'aois' a dúirt sí, 'd'éignigh m'uncail mé i seomra codlata agus bhí mo mháthair i láthair ag an am'.
Ciontaíodh an mháthair freisin i 2 ionsaí gnéis eile freisin.
Cuireadh siar faoi choinneáil an mháthair agus a deartháir go dtí go ngearrfar píonós orthu i mí Dheireadh Fómhair.