Tá Nikita Hand leis an dlí a chur in athuair ar an iar-dhornálaí MMA,Conor McGregor.
Tá caingean nua shibhialta eisithe ag a dlíodóir i gcoinne McGregor chomh maith le lánúin a raibh sé i gceist aige a úsáid ina achomharc sular tharraing sé siar an t-iarratas.
Maíonn Nikita Hand go raibh mí-úsáid mhailíseach ar bun ag an triúr i dtaca leis an bpróiseas cúirte.
Bhí sé i gceist ag Conor McGregor iarraidh ar Samantha O'Reilly agus Steven Cummins fianaise a thabhairt san achomharc, le súil is go gcaithfí amhras ar fhianaise Nikita Hand maidir leis na gortuithe a deir sí a d'fhulaing sí.
Tharraing sé siar an t-iarratas sin ní ba dheireanaí, cé nach bhfuiltear baileach cinnte go fóill cén fáth a ndearna sé seo.
Tá sé maíte ag Nikita Hand go léiríonn seo ar fad gur deargbhréaga a bhí á gcumadh ag McGregor.
Chaill McGregor inné san achomharc a thug sé i gcoinne chinneadh an ghiúiré san Ard Chúirt gur éignigh sé Nikita Hand i Nollaig na bliana 2018.