Tá 2,600 rúnaí agus feighlí scoile in áiteanna ar fud na tíre ar stailc inniu faoi chúrsaí pinsin agus roinnt sochar eile fostaíochta.
Maíonn na rúnaithe agus na feighlithe nach bhfuiltear ag caitheamh go cothrom leo mar nach bhfuil acusan an pinsean earnála poiblí atá ag múinteoirí agus cúntóirí riachtanas speisialta a bhfuil siad ag obair siad in éindí leo.
Bhí comhráite faoin gcúis inné sa Choimisiún um Chaidreamh san Áit Oibre ach ní raibh aon toradh orthu.
Níl teorainn ama curtha leis an stailc agus áirítear thart ar 2,000 scoil a bheith thíos leis.
Tá sé curtha in iúl do thuismitheoirí ag roinnt scoileannna go gcuirfidh an stailc isteach ar sheirbhísí oifige agus cumarsáide.
Tuigtear go bhfuil na seacht n-acra fós idir na hoibrithe agus an Rialtas maidir leis an aighneas agus nach bhfuil aon chosúlacht réitigh ann faoi láthair.
Nuacht agus Cúrsaí Reatha RTÉ