Bhailigh léirsitheoirí lasmuigh d'ionad Fastway i mBaile Átha Cliath inniu.
Léirigh siad a n-imní faoin gcomhlacht atá imithe faoi ghlacadóireacht ón tseachtain seo caite.
Deir siad go bhfuil siad an-bhuartha go bhfágfar ar a laghad 1,000 duine, a bhí fostaithe ag an gcomhlacht i gcruachás ceart de bharr na bhfadhbanna i Fastway.
Teastaíonn ó fhostaithe, cúiréirí nó lucht seachadhtha a oibríonn mar chonraitheoirí sain-cheadúnaithe go ndéanfadh an rialtas idirghabháil ar a son.
Gheobhaidh na fostaithe a bpá don mhí seo ach beidh orthu fanacht ar an íocaíocht iomarcaíochta. Tá airgead ag dul chuig na cúiréirí ach deir siad nach bhfuil siad dóchasach go n-íocfar leo é.