Tuairiscítear gur triúr ó theaghlach amháin i gCo an Chabháin a bhuaigh an pota óir i gcrannchur an EuroMillions Dé hAoine seo caite.
Ag cur thar maoil atá an pota go deimhin, ós €17 milliún atá ann, neart lena chinntiú go bhfaighidh gach duine den triúr amhantrach a sciar breá féin den éadáil.
Athair, mac agus iníon atá sa triúr, de réir a bhfuil á thuairisciú ag nuachtán an Anglo Celt.
Is in ollmhargadh Lidl i gCríochán ar Bhóthar Bhaile Átha Luain sa Chabhán a ceannaíodh an ticéad agus lá an chrannchuir féin a ceannaíodh é.
Tá teagmháil déanta ag an teaghlach leis an gCrannchur Náisiúnta cheana agus tá a dtaisce úr geallta agus urraithe.
Nuacht agus Cúrsaí Reatha RTÉ