Maraíodh coisí – fear sna daichidí – nuair a leag gluaisteán é i gCo Chill Dara inné.
Tharla an tubaiste ar Bhóthar Mhainistir Eimhín in aice le baile Chill Dara ag thart ar 6 a chlog tráthnóna inné.
Bhásaigh an fear ar an mball.
Tá na Gardaí i gCill Dara ag achainí ar aon duine a bhí ag tiomáint sa cheantar ag an am agus a mbeadh íomhánna ó cheamara deaise acu teacht chun cainte leo.
Fágann an tionóisc is deireanaí gur maraíodh 190 duine i dtubaistí bóthair sa Stát go dtí seo i mbliana, le hais 175 san achar céanna anuraidh.
Coisithe ab ea 45 den 190.
Nuacht agus Cúrsaí Reatha RTÉ