Titfidh fearthainn throm agus sneachta sa deisceart amárach agus Stoirm Goretti ag déanamh a bealaigh trasna na tíre.
Tá foláireamh buí fógartha ag Met Éireann i gCiarraí, i gCorcaigh, i bPort Láirge agus i Loch Garman agus beidh feidhm leis idir an meán lae agus 8 a chlog tráthnóna amárach.
Tiocfaidh flichshneachta agus sneachta i ndiaidh na fearthainne sna háiteanna sin, de réir na meitéareolaithe.
Iarrtar ar thiománaithe go háirithe gluaiseacht go mall agus a bheith san airdeall ar fhuarlaigh agus ar shioc.
Ní mór do thiománaithe a chur san áireamh chomh maith nach mórán a bheas le feiceáil acu i bhfad uathu idir léithe an chuisne agus ghile an tsneachta.
Beidh an teocht chomh híseal le dhá chéim faoi bhun an reophointe oíche amárach.
Tá foláireamh buí seaca fógartha freisin i sé chontae an Tuaiscirt agus beidh feidhm leis idir an meán oíche anocht agus 10 a chlog ar maidin amárach.
Nuacht agus Cúrsaí Reatha RTÉ