Maraíodh beirt i dtimpistí bóthair in áiteanna éagsúla sa tír inné.
I gCo Mhuineacháin, maraíodh fear sna tríochaidí nuair a d'imigh a ghluaisteán den bhóthar in Inis Samháin sna Mullaí ag thart ar 7.30 tráthnóna inné.
Tugadh corp an fhir go hOspidéal Mhuire san Uaimh i gCo na Mí, mar a ndéanfar scrúdú iarbháis air.
I gCo Laoise, gortaíodh go dona fear sna seachtóidí nuair a bhuail gluaisteán é ar an tSráid Mhór i Mainistir Laoise ag thart ar 7 a chlog tráthnóna inné.
Tugadh é go hOspidéal Réigiúnach Lár Tíre i dTulach Mhór i gCo Uíbh Fhailí, áit ar éag sé go gairid ina dhiaidh sin.
Fágann an dá thubaiste is deireanaí seo go bhfuil aon duine dhéag maraithe i dtionóiscí bóthair sa Stát go dtí seo i mbliana.
Nuacht agus Cúrsaí Reatha RTÉ