Tá sé i gceist ag Rialtas na Spáinne cosc a chur i bhfeidhm ar dhaoine óga faoi 16 bliain, fáil a bheith acu ar na meáin shóisialta, agus an tír ag leanúint i gcoiscéimeanna na hAstráile, a bhfuil amhlaidh déanta aici cheana féin.
Beidh ar ardáin na meán sóisialta, córais a chuir i bhfeidhm chun aois an té atá ag iarraidh cuntas a chruthú ar líne a dhearbhú, a deir Príomhaire na tíre sin Pedro Sanchez.
Tá beartais fógartha sa Spáinn in iarracht an spás digiteach do dhaoine óga a dhéanamh níos sábháilte agus chun iad a chosaint ó ábhar pornagrafach agus ó eolas bréagach i measc nithe eile.
I Mí na Nollag, ba í an Astráil an chéad tír ar domhan chun cosc dá leithéid a chur i bhfeidhm.