Tá na Gardaí i mbun cuardaigh i gcairéal in iarthar Chontae Chill Mhantáin mar chuid dá bhfiosrúchán faoinar bhain do bheirt bhan óga atá ar iarraidh ó na 1990idí.
Ceaptar gur dúnmharaíodh an bheirt, Jo Jo Dullard agus Deirdre Jacob.
Bhí Jo Jo Dullard 21 bliain d'aois nuair a chonacthas í go deireanach i Maoin i gCo Chill Dara ar an 9 Samhain 1995.
Bhí sí ar a bealach abhaile go Callainn i gCo Chill Chainnigh as Baile Átha Cliath ag an am.
Ocht mbliana déag d'aois a bhí Deirdre Jacob nuair a chonacthas í go deireanach gar dá teach cónaithe i nDroichead Nua i gCo Chill Dara ar an 28 Iúil 1998.
Is ar an teorainn le Co Chill Dara in iarthar Chill Mhantáin atá an cuardach ar bun ag na Gardaí.
Tá an cairéal á thochailt acu agus déanfaidh siad scrúdú dlí-eolaíochta ar aon ní ábhartha a aimseoidh siad.
Meastar go mbeidh siad ann go ceann cúpla lá.
Deir na Gardaí go bhfuil siad i dteagmháil le teaghlaigh na beirte ban.
Nuacht agus Cúrsaí Reatha RTÉ