Tá 14 eitilt san iomlán a bhí ceaptha a ghabháil go nó a theacht as Meiriceá go hÉirinn inniu curtha ar ceal de bharr stoirme ar chósta thoir na Stát Aontaithe.
Tá sé fógartha ag Aerfort Átha Cliath go bhfuil 7 n-eitilt anall agus 6 eitilt anonn curtha ar ceal de bharr na drochaimsire.
Aerfoirt i Nua-Eabhrac, New Jersey agus Bostún atá buailte ag Stoirm Hernando.
Cuireadh ar ceal chomh maith eitilt amháin san iarnóin as Bostún go hAerfort na Sionainne.
Tá an Méara ar Nua-Eabhrac Zohran Mamdani tar éis staid éigeandála a fhógairt agus ordú tugtha aige do gach feithicil cé is moite d'fheithiclí riachtanacha fanacht de na bóithre go dtí tar éis meánlae am na h-áite.
Tá criúnna éigeandála agus céachtaí sneachta ar dulagas ar fud na cathrach agus sneachta ag titim go tréan.
Tá foláireamh síobadh sneachta fógartha sa gcathair an chéad uair ó 2017.
Tá scoileanna i Nua-Eabhrac agus cuid mhaith de réigiún New England dúnta de bharr Stoirm Hernando agus gálaí gaoithe chomh maith le sneachta mór geallta.