Tá An Post le 300 seachadóir poist breise a fhostú ar fud na tíre le freastal ar an éileamh mór atá ar sheirbhís seachadta beartán an chomhlachta agus fás as miosúr tagtha ar ríomhthráchtáil.
Bhí méadú de 27% ar an líon beartán a sheachaid An Post anuraidh i gcomparáid le 2024 agus mar sholaoid ar an éileamh thug an comhlacht le fios gur seachadadh tuairim is trí mhilliún beartán gach seachtain sna seachtainí roimh an Nollaig.
Cheana féin i mbliana, tá méadú de 50% ar an líon beartán a seachadadh le hais an dá mhí chéanna anuraidh.
Tá ionad nua próiseála beartán oscailte ag an gcomhlacht i mBaile an tSíbhrigh in iarthar Bhaile Átha Cliath le freastal ar an ráchairt mhór.
Tá sé i gceist an t-ionad a uathoibriú go luath.
Nuacht agus Cúrsaí Reatha RTÉ