Tá fear sna hochtóidí tar éis bháis de bharr na ngortaithe a d'fhulaing sé nuair a bhuail bus faoi i gCo.Chill Mhantáin níos túisce an tseachtain seo.
Tharla an timpiste ar Bhóthar an Stáisiúin i mBré tráthnóna arú inné.
Ag siúl an bhóthair a bhí an fear ag an am, gortaíodh go dona é agus tugadh chuig Ospidéal Naomh Uinseann é.
Deir na gardaí gur cailleadh é tráthnóna inné agus go gcuirfear scrúdú iarbháis anois.
Rinneadh scrúdú dlieolaíoch ar an láthair agus tá na gardaí ag lorg eolais ón bpobal.