Tá an cúigiú duine tógtha agus á gceistiú ag na Gardaí maidir le dúnmharú buachalla óig agus a sheanaintín i dteach in Éadan Doire i gCo Uíbh Fhailí mí na Nollag seo caite.
Tráthnóna inné a gabhadh an cúigiú duine, fear sna fichidí.
Is arú inné a gabhadh an ceathrar eile, beirt fhear sna fichidí, fear sna tríochaidí agus ógánach.
Maraíodh Tadhg Farrell, a bhí ceithre bliana d'aois, agus Mary Holt, a bhí 60 bliain d'aois, nuair a caitheadh buama peitril leis an teach i bPáirc Radharc an Chaisleáin in Éadan Doire ar an 6 Nollaig.
Dódh go dona freisin seanmháthair Thaidhg, Pauline Holt, san ionsaí.
Tá an cúigear a gabhadh á gceistiú i stáisúin Ghardaí in oirthear agus i lár na tíre.
Nuacht agus Cúrsaí Reatha RTÉ