Is iad Ros Comáin seaimpíní na craoibhe peile i gConnacht i ngrád na sinsear.
Chloígh siad Gaillimh i bPáirc de hÍde tráthnóna leis an scór 3-21 in aghaidh 2-22.
Ciallaíonn an toradh nach ann don 5 chraobh cúige as a chéile do na Gaillimhígh.
Cluiche dian drámatúil a bhí ann, agus bhí cosúlachtaí ann ar feadh tréimhsí fada go mbeadh an lá le Gaillimh, go háirithe nuair a scóráil Damien Comer an dara cúl dóibh.
Sin go dtí go bhfuair Ros Comáin a dtriú cúl amach go maith sa dara leath.
Bhí momentum ansin ag na 'Rossies' ag cinntiú a gcéad chraobh i gConnacht ó 2019.
An-bhliain craoibhe atá inti do Ros Comáin go dtí seo mar gurb iad na seaimpíní san iarthar iad freisin i ngrád na mionúr agus sa ghrád faoi 20.
Agus beidh siad ag súil go leanfaidh a rath amach sa Samhradh.