Tá cainteanna ar bun sa Chúirt Oibreachais féachaint le réiteach a fháil ar an aighneas faoi chúrsaí pá sa tSeirbhís Náisiúnta Otharcharranna.
Tá an stailc 2 lá a bhí beartaithe do amárach curtha ar atráth anois go bhfeicfear cén toradh a bheidh ar na cainteanna seo.
Leanann an obair de réir rialach atá ar bun ag baill de cheardchumainn UNITE agus SIPTU i gcónaí.
Tá an bhagairt stailce 72 uair a chloig don tseachtain seo chugainn fós ann freisin.
I láthair ag na cainteanna inniu tá an 2 cheardchumann chomh maith le Feidhmeannacht na Seirbhíse Sláinte (HSE).
Tá an dá thaobh ag cur an mhilleáin ar a chéile faoi nach bhfuil aon réiteach ar aighneas seo.
Deir SIPTU agus UNITE nár chuir an HSE i bhfeidhm moltaí a cuireadh le chéile maidir le hardú pá do na baill as na freagrachtaí breise a deirtear atá buailte orthu i gcaitheamh na mblianta.
Deir an HSE gur dhiúltaigh ceardchumainn dá mholtaí roimhe seo a thabharfadh ardú pá do fhostaithe.