Tá an tslándáil á géarú ar theorainn Ruanda le Poblacht Dhaonlathach an Chongó i bhfianaise na ráige den víreas Ebola.
Tuairiscítear go bhfuil 80 duine ar a laghad básaithe de thoradh an víris sa Chongó, a bhformhór díobh sin i dtuaisceart na poblachta.
Tá suas le 250 cás eile ar a laghad a bhfuiltear ar an eolas fúthu.
Tá imní mhór léirithe ag an Eagraíocht Dhomhanda Sláinte go bhféadfadh an ráig seo scaipeadh chuig tíortha sa chomharsanacht agus impleachtaí idirnáisiúnta dá réir a bheith aige sin.