Éileamh mór ar Chluichí Ceannais na gClub

Thuill beochraoladh lá 'le Pádraig ar an gCluiche Ceannais Chraobh Club AIB lucht féachana ollmhór d0 TG4. Léiríonn na figiúirí a d'eisigh AMG Nielsen an miosúr oifigiúil ar lucht féachana teilifíse in Éirinn, go raibh 250,000 duine ag féachaint ar na cluichí ceannais peile inar thug Na Crócaigh/Cill Mhochuda an chraobh leo in aghaidh Raonaithe Chrois Mhic Lionnáin sa pheil agus inar thug Port Omna an lá leis ar De la Salle sa iomáint.

D'fhéach 1.1m duine ar TG4 uair éigin i rith an lae agus bhí scair fhéachana náisiúnta 8.4 % ag TG4 don lá ina iomláine agus ba leor sin lena chur sa tríú ait san ord tosaíochta náisiúnta laethúil teilifíse den chéad uair riamh.

Deir Ceannasaí TG4, Pól Ó Gallchóir, go bhfuil ríméad air faoi na figiúirí féachana seo. "Tá cáil ar chlúdach an chainéil ar na cluichí Gaelacha," a dúirt sé "agus is léir go bhfuil gean agus meas ar leith ag an bpobal chun freastal air don Fhéile Náisiúnta."

Breis Eolais:
Pádhraic Ó Ciardhae - TG4 - (087) 2657689