IN STUDIO - GLAS VEGAS
Éireoidh le hiomaitheoir amháin gradam sheaimpín Ghlas Vegas a bhaint amach agus taisteal chuig príomhchathair na siamsaíochta, Las Vegas, deis roinnt de na scabhtaí tallainne is mó le rá i Meiriceá a mhealladh.
Beidh 13 clár sa tsraith ina mbeidh na céadta ar an ardán agus iad go léir ag súil gurb iadsan an chéad réalta mór eile i saol na siamsaíochta. Beidh amhránaithe, ceoltóirí, damhsóirí, cleasghleacaithe, fuirseoirí agus draíodóirí, i measc go leor eile, ag déanamh a míle ndícheall dul i bhfeidhm ar na moltóirí.
Chuaigh buaiteoirí na sraitheanna roimhe seo de Ghlas Vegas go Las Vegas. Chas Shannon Reilly, amhránaí ó Dhún Dealgan agus Moneeka Mukerjee, freangálaí ó Chorcaigh, le scabhtaí tallainne i Vegas. Tá sé beartaithe ag Shannon filleadh ar Las Vegas chun tuilleadh plé a dhéanamh maidir lena bhfuil i ndán di.
Beidh moltóirí nua páirteach... Beidh Fiachna Ó Braonáin, ón ngrúpa The Hothouse Flowers linn chun a thaithí siamsaíochta a roinnt linn. Beidh Evelyn O’Rourke, craoltóir agus leathbhádóir Gerry Ryan, linn agus ní leagfaidh sí fiacail ann ó thaobh na moltóireachta de. Tá Tom Ó Brannagáin ar ais linn don tsraith seo agus ní bheidh sé féin ag leagan fiacail ann ó thaobh na moltóireachta de ach oiread.
Tá sé i gceist ag Tom leanúint lena mhacántacht agus is cinnte go gcuirfidh sé colg ar roinnt daoine le linn na sraithe. Is í Gemma Ní Chionnaith a bheidh ag cur na sraithe i láthair.
Dé Domhnaigh @ 20:30
Athcraoladh Dé Máirt @ 23:45 / TG4 BEO
