Vacancies

Iriseoirí Ilmheán Nuachta agus Cúrsaí Reatha

Eagarthóir Nuachta

Is mian le TG4 Eagarthóir Nuachta a earcú don tseirbhís dhigiteach nuachta nua a bheidh ag tosú in 2026. Ag tuairisciú don Cheannaire Nuachta & Cúrsaí Reatha, beidh an té a cheapfar ag obair ar seal agus freagrach as seirbhís laethúil dhigiteach Nuacht agus Cúrsaí Reatha TG4 a mhaoirsiú agus a chur in eagar.

Is craoltóir náisiúnta teilifíse Gaeilge é TG4 atá lonnaithe i mBaile na hAbhann, Co. na Gaillimhe. Tá ábhar TG4 ar fáil ar gach ardán teilifíse ar fud na hÉireann, ar fud an domhain ar an idirlíon agus ar na hardáin dhigiteacha. Is craoltóir-foilsitheoir seirbhíse poiblí é TG4 a fhaigheann formhór a ábhair ó earnáil na léiritheoirí neamhspleácha, ábhar a bhfuil duaiseanna agus gradaim go leor buaite aige.

Is í an Ghaeilge teanga oibre TG4 agus mar sin tá sé riachtanach Gaeilge den scoth a bheith ag iarrthóir, idir scríobh agus labhairt na teanga. Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó gur duine den Lucht Siúil atá i gceist.

Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.

I gCeannáras TG4 i mBaile na hAbhann, Co. na Gaillimhe a bheidh an phost seo lonnaithe.

Freagrachtaí an Phoist:

Scéalta nuachta a aimsiú, a bhriseadh, a roghnú agus a chur in oiriúint d’ardáin dhigiteacha nuachta TG4 lena n-áirítear suíomh nuachta nua, ardáin dhigiteacha, agus meáin shóisialta eile.
Ardbhreithiúnas eagarthóireachta a fheidhmiú ar ábhar nuachta
Treoir eagarthóireachta laethúil a thabhairt d’fhoireann iriseoirí, agus comhoibriú eagarthóireachta le Ceannaire Nuachta & Cúrsaí Reatha TG4 agus le foireann teilifíse Nuacht TG4
A chinntiú go bhfuil gach ábhar ag teacht le dlí na meán in Éirinn agus le cód nuachta Choimisiún na Meán
Eagarthóireacht a chur i bhfeidhm agus treoir eagarthóireachta a thabhairt ar scéalta nuachta atá á léiriú agus á scríobh do sheirbhís nuachta TG4.
Scéalta iriseoirí a phrofáil agus a cheartú.
Cur chuige nuálaíoch a ghlacadh i dtaobh scéalta físe nuachta a léiriú agus a chur in oiriúint d’ardáin dhigiteacha éagsúla, le béim ar ábhar nuachta gearrfhoirme.
Scripteanna a scríobh agus eagarthóireacht a dhéanamh orthu do mhíreanna físe.
Athchóiriú a dhéanamh ar scéalta nuachta agus cúrsaí reatha eile lena gcur in oiriúint do na meáin dhigiteacha.
Pleanáil chun cinn a dhéanamh.
An fhoireann agus na hiriseoirí a fhorbairt i gcomhar leis an gCeannaire Nuachta agus Cúrsaí Reatha
Treoir a ghlacadh ón gCeannaire Nuachta agus Cúrsaí Reatha chun straitéis nuachta a chur chun cinn.
Comhoibriú le foireann teilifíse Nuacht TG4 chun seirbhís nuachta ilardáin a chur ar fáil don lucht féachana.
Cur le branda na nuachta agus le feidhm na nuachta i TG4 i gcomhar leis an gCeannaire Nuachta agus Cúrsaí Reatha

Riachtanais don Ról:

Sárthaithí agus tuiscint ar chúrsaí nuachta
Grinntuiscint ar shaol na Gaeltachta, na Gaeilge agus na hÉireann.
Tá cruinneas i scríobh agus labhairt na Gaeilge riachtanach don phost.
Taithí ábhartha eagarthóireachta nó iriseoireachta idir scríofa, digiteach nó craolta.
Tuiscint ar fheidhm nuachta TG4, nuacht do phobal na Gaeilge agus Gaeltachta agus ar straitéis lucht féachana TG4.
Tuiscint ar fhís agus ar bhranda TG4
Taithí ar fhoireann a bhainistiú nó a chomhordú
Sárthuiscint ar na meáin shóisialta, agus tuiscint ar fhorbairt lucht féachana ar líne
Bheadh tuiscint nó taithí ar phatrúin úsáide idirlín (UX), SEO, Google Analytics ina bhuntáiste sa phost seo.
Ábalta córais nua a fhoghlaim go tapa.
Dearcadh dearfach, solúbtha, eagraithe agus ábalta oibriú faoi bhrú.

Éireoidh leat sa ról seo más duine tú atá ábalta oibriú go muiníneach, go solúbtha agus go héifeachtach as do stuaim féin i dtimpeallacht spreagúil.

Tabhair ar aird: Is treoir é an sainchuntas poist seo maidir le réimsí leathana freagrachta agus cuntasachta agus níor cheart breathnú air mar liostú cuimsitheach. D’fhéadfadh an sainchuntas poist a bheith faoi réir athbhreithnithe i bhfianaise struchtúir nua agus / nó athrú a bheith ag teacht ar riachtanais TG4.

Iarrtar ar iarrthóirí CV mar aon le litir chumhdaigh ina mbeidh smaointe ar nuacht digiteach do phost an Eagarthóra Nuachta a sheoladh chuig cv@tg4.ie roimh 4pm Dé hAoine an 17 Iúil 2026.

Eolas Breise don Iarratasóir

Grád an Phoist: Grád 3

Uaireanta Oibre:
Is post ar sheal oibre 78 uair sa choicís a bheidh sa phost seo.

Laethanta Saoire:
Beidh tú i dteideal 23 lá de shaoire íoctha in aghaidh na bliana.

Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.

Taisteal:
Beidh taisteal i gceist ó am go chéile mar chuid den ról, in Éirinn agus thar lear.

Buntáistí eile a bhaineann le bheith ag obair i TG4:

Deiseanna Oiliúna agus Forbartha
Saoire Staidéir agus Scrúduithe
Táillí Ballraíochta Gairmiúla
Pinsean Ranníocach
An Clár Cúnaimh d’Fhostaithe
An Scéim um Rothaíocht chun na hOibre

Top ^

Iriseoirí Ilmheán Nuachta agus Cúrsaí Reatha

Conradh 2 bhliain

Is craoltóir náisiúnta teilifíse Gaeilge é TG4 atá lonnaithe i mBaile na hAbhann, Co. na Gaillimhe. Tá ábhar TG4 ar fáil ar gach ardán teilifíse ar fud na hÉireann, ar fud an domhain ar an idirlíon agus ar ardáin dhigiteacha. Is craoltóir-foilsitheoir seirbhíse poiblí é TG4 a fhaigheann formhór a ábhair ó earnáil na léiritheoirí neamhspleácha, ábhar a bhfuil duaiseanna agus gradaim go leor buaite aige. Tá TG4 ag féachaint faoi láthair ar Iriseoirí Ilmheán a earcú do sheirbhís dhigiteach nuachta.

Ag tuairisciú don Cheannaire Nuachta & Cúrsaí Reatha, agus ag obair go laethúil le hEagarthóir Nuachta, beidh na hiarrthóirí a n-éiríonn leo freagrach as scéalta nuachta digiteacha a chur ar fáil agus a léiriú. Beidh obair ar seal agus obair deireadh seachtaine i gceist leis na poist seo.

I measc na gcúraimí a bheidh i gceist, gan bheith teoranta dóibh, beidh;

Scéalta nuachta a aimsiú agus a léiriú, idir scríobh, taifeadadh físe nó fuaime, ar ardchaighdeán d’ardáin dhigiteacha Nuacht agus Cúrsaí Reatha TG4.
Scéalta nuachta a scríobh i nGaeilge agus a chur ar fáil don suíomh nuachta agus don Eagarthóir Nuachta.
Moltaí a thabhairt agus a ghlacadh maidir le scéalta agus pleanáil chun cinn.
Scéalta a chur i láthair ar cheamara nó mar ghearrthóga fuaime le béim ar an nuacht ghearrfhoirme do na meáin shóisialta.
Cur chuige nuálaíoch a ghlacadh maidir leis na hardáin dhigiteacha agus na hardáin meán sóisialta agus suim a chur san iriseoireacht sa réimse seo.
Aon dualgais bhailí eile a iarrann Bainisteoir, Stiúrthóir na Rannóige nó an tArd-Stiúrthóir ort a chomhlíonadh.

Tabhair faoi deara: Is treoir atá sa sainchuntas poist seo maidir le réimsí éagsúla freagrachta agus cuntasachta agus níor cheart breathnú air mar liosta cuimsitheach. D’fhéadfadh an sainchuntas poist a bheith faoi réir athbhreithnithe i bhfianaise struchtúir nua agus / nó athrú a bheith ag teacht ar riachtanais TG4.

Bíonn tionscal na teilifíse ag síorathrú. Glacann TG4 go fonnmhar leis na hathruithe seo agus athróidh an comhlacht agus dualgais na foirne dá réir.

Taithí riachtanach don Phost:

Cáilíocht 3ú leibhéal san iriseoireacht nó taithí dhá bhliain ar a laghad san iriseoireacht.
Ábalta cóipscríbhneoireacht a dhéanamh agus scripteanna a scríobh d’fhíseáin ar líne
Ábalta taighde a dhéanamh
Eolas a bheith agat ar dhlí na meán in Éirinn agus ar chód nuachta Choimisiún na Meán.
Eolas agus tuiscint ar phobal na Gaeltachta agus na Gaeilge agus ar na scéalta nuachta a spreagann iad.
Suim sa scéalaíocht dhigiteach do chúrsaí nuachta.
Cruinneas i scríobh agus labhairt na Gaeilge
Scileanna scríbhneoireachta agus profála.
Tuiscint ar SEO/Wordpress nó ar chórais foilsithe eile.
Suim san fhorbairt ghairme agus ábalta córais nua a fhoghlaim go tapa.
Sásta freastal ar chúrsaí oiliúna de réir mar a éilíonn TG4.
A bheith in ann glacadh le treoir agus comhoibriú le hiriseoirí agus foirne eile
A bheith fiosrach agus suim a bheith agat i nuacht agus cúrsaí reatha Gaeltachta, Náisiúnta agus Idirnáisiúnta
Is buntáiste é eolas a bheith agat ar fhoilsiú ar líne, ar léiriú físeán agus ar léiriú fuaime digití.

Éireoidh leat sa ról seo más duine tú atá ábalta oibriú go muiníneach, go solúbtha agus go héifeachtach as do stuaim féin i dtimpeallacht spreagúil agus faoi bhrú ama.

Iarrtar ar iarrthóirí CV, litir chlúdaigh agus físeán gearr fút féin agus roinnt samplaí de do chuid oibre do phost an Iriseora Ilmheán a sheoladh chuig cv@tg4.ie roimh 4pm Dé hAoine an 17 Iúil 2026.

Eolas Breise don Iarratasóir

Tuarastal: Grád 5

Uaireanta Oibre:
Is post ar seal 78 uair sa choicís a bheidh sa phost seo. Táthar ag súil, mar gheall ar riachtanais an phoist, go mbeifeá solúbtha ó am go ham, i.e. go mbeifeá sásta, scaití, oibriú lasmuigh d’uaireanta oifige, ag an deireadh seachtaine agus ar laethanta saoire bainc.

Laethanta Saoire:
Beidh tú i dteideal 23 lá de shaoire íoctha in aghaidh na bliana.

Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.

Taisteal:
Beidh taisteal in Éirinn, agus thar lear ó am go chéile, i gceist mar chuid den ról seo.

Buntáistí eile a bhaineann le bheith ag obair i TG4:

Deiseanna Oiliúna agus Forbartha
Saoire Staidéir agus Scrúduithe
Táillí Ballraíochta Gairmiúla
Pinsean Ranníocach
An Clár Cúnaimh d’Fhostaithe
An Scéim um Rothaíocht chun na hOibre

Top ^

Riarthóir Cumarsáide / Preasa

Conradh Buan

Fáilteoidh TG4 roimh iarratais ar an bpost Riarthóir Cumarsáide/ Preasa ar bhonn buan. Beidh an té a cheapfar lonnaithe i gCeannáras TG4 i nGaeltacht na Gaillimhe agus freagrach don Bhainisteoir Cumarsáide.

Is craoltóir náisiúnta teilifíse Gaeilge é TG4 atá lonnaithe i mBaile na hAbhann, Co. na Gaillimhe. Tá ábhar TG4 ar fáil ar gach ardán teilifíse ar fud na hÉireann, ar fud an domhain ar an idirlíon agus ar ardáin dhigiteacha. Is craoltóir-foilsitheoir seirbhíse poiblí é TG4 a fhaigheann formhór a ábhair ó earnáil na léiritheoirí neamhspleácha, ábhar a bhfuil duaiseanna agus gradaim go leor buaite aige. Is corparáid phoiblí chraolacháin é TG4 faoin Acht Craolacháin, 2009 a bhunaigh an Rialtas agus atá á maoiniú ag an Rialtas.

Fostóir comhionannais deiseanna é TG4 agus déantar iarratais incháilithe a mheas gan beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh ná ballraíocht den Lucht Siúil. Tá meon dearfach ag TG4 i leith na hÉagsúlachta. Fáilteoidh muid roimh iarratais ó dhaoine a bhfuil cúlraí éagsúla acu.

An Ról
Beidh ról lárnach ag an té a cheapfar ag tacú le hobair na Rannóige Cumarsáide in TG4, ag déanamh poiblíochta agus ag mealladh lucht féachana chuig ábhar TG4. Is ról é seo do dhuine atá paiseanta faoi eolas faoi chláir agus branda TG4 a scaipeadh i measc an phobail.

I measc na gcúraimí a bheidh i gceist, gan bheith teoranta dóibh, beidh;

Eolas cumarsáide agus ábhar poiblíochta a bhailiú agus a chur in oiriúint.
Eolas poiblíochta a scaipeadh ar lucht preasa, ar ardáin dhigiteacha, ar thionchóirí, ar na meáin agus eile.
Ábhar a scríobh, a cheartú, a aistriú agus a phrofáil.
Cuidiú ócáidí agus feachtais chumarsáide a eagrú.
Cuidiú leis an bhfoireann cumarsáide preasráitis a scríobh agus a eisiúint.
Cuidiú le bunachair sonraí a choinneáil suas chun dáta.
Ábhar agus eolas a roinnt leis na meáin.
Aon fhreagrachtaí réasúnta eile a mheasann an bainisteoir nó stiúrthóir na rannóige bunaithe ar riachtanais an ghnó.
Cuidiú le hábhar a fhoilsiú ar na meáin shóisialta ó am go chéile.

Tabhair ar aird: Is treoir atá sa sainchuntas poist seo maidir le réimsí éagsúla freagrachta agus cuntasachta agus níor cheart breathnú air mar liosta cuimsitheach. D’fhéadfadh an sainchuntas poist a bheith faoi réir athbhreithnithe i bhfianaise struchtúir nua agus / nó athrú a bheith ag teacht ar riachtanais TG4.

Bíonn tionscal na teilifíse ag síorathrú. Glacann TG4 go fonnmhar leis na hathruithe seo agus athróidh an comhlacht agus dualgais na foirne dá réir.

Nithe atá riachtanach don phost seo:

Is í an Ghaeilge teanga oibre TG4 agus mar sin tá sé riachtanach go mbeadh Gaeilge den scoth ag an té a cheapfar, idir labhairt agus scríobh na teanga.
Ardscileanna cumarsáide agus taithí ar bheith ag plé leis an bpobal
Fócas dearfach agus cumas maith foirne
Sár-thuiscint ar na meáin shóisialta agus ar na hardáin dhigiteacha agus an fheidhm atá leo i gcomhthéacs preasa agus poiblíochta
Taithí mhaith ar chúrsaí riaracháin agus ríomhaireachta (ard-tuiscint ar Excel, MS Office agus ábalta córais nua a fhoghlaim go tapa).
Taithí ar Chóipscríbhneoireacht agus ar Cheannlínte a scríobh – i nGaeilge agus i mBéarla
Taithí ar phreasráitis a scríobh.
Taithí mhaith ar obair thaighde a dhéanamh agus ar theagmhálacha a aimsiú.
Taithí ar bheith ag obair le formáidí éagsúla ó thaobh íomhánna de.
Ábalta feidhmiú go muiníneach agus go héifeachtach as do stuaim féin i dtimpeallacht spreagúil.

Sa gCeannáras i mBaile na hAbhann, Co. na Gaillimhe atá an post seo. Tá polasaí oibre solúbtha i bhfeidhm i TG4.
4pm Dé hAoine an 31ú Iúil 2026 an dáta deiridh a nglacfar le hiarratais. Seol do CV mar aon le litir iarratais chuig cv@tg4.ie.

Eolas Breise don Iarratasóir

Grád an Phoist:
Grád 5

Uaireanta Oibre:
39 uair sa tseachtain. Mar gheall ar riachtanais an phoist agus an earnáil teilifíse, táthar ag súil go mbeifeá solúbtha ó am go ham, lena n-áirítear a bheith sásta oibriú, nuair atá gá leis, lasmuigh d’uaireanta oifige, ag an deireadh seachtaine agus ar laethanta saoire bainc.

Laethanta Saoire:
Chomh maith leis na laethanta saoire bainc reachtúla, beidh tú i dteideal 23 lá de shaoire íoctha in aghaidh na bliana.

Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.

Taisteal:
Beidh taisteal in Éirinn agus thar lear i gceist ó am go chéile mar chuid den ról.

Buntáistí eile a bhaineann le bheith ag obair i TG4:

Deiseanna Oiliúna agus Forbartha
Saoire Staidéir agus Scrúduithe
Táillí Ballraíochta Gairmiúla
Pinsean Ranníocach
An Clár Cúnaimh d’Fhostaithe
An Scéim um Rothaíocht chun na hOibre

Barr ^

Dlíodóir

Conradh Buan

Is mian le TG4 Dlíodóir lánaimseartha a earcú ar bhonn buan i Rannóg Dlí TG4.
Is craoltóir náisiúnta teilifíse Gaeilge é TG4 atá lonnaithe i mBaile na hAbhann, Co. na Gaillimhe. Tá ábhar TG4 ar fáil ar gach ardán teilifíse ar fud na hÉireann, ar fud an domhain ar an idirlíon agus ar ardáin dhigiteacha. Is craoltóir-foilsitheoir seirbhíse poiblí é TG4 a fhaigheann formhór a ábhair ó earnáil na léiritheoirí neamhspleácha, ábhar a bhfuil duaiseanna agus gradaim go leor buaite aige. Is corparáid phoiblí chraolacháin é TG4 faoin Acht Craolacháin, 2009 a bhunaigh an Rialtas agus atá á maoiniú ag an Rialtas.

Fostóir comhdheiseanna é TG4 agus déantar iarratais incháilithe a mheas gan beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh ná ballraíocht den Lucht Siúil. Tá meon dearfach ag TG4 i leith na hÉagsúlachta. Fáilteoidh muid roimh iarratais ó dhaoine a bhfuil cúlraí éagsúla acu. Tacaíonn TG4 le daoine faoi mhíchumas a fhostú.

Ról
Ag freagairt don Stiúrthóir Dlí beidh an té a cheapfar freagrach as conarthaí agus as cáipéisíocht a chuir i gcríoch agus as comhairle dlí a thabairt do TG4.

I measc na gcúraimí a bheidh i gceist, gan bheith teoranta dóibh, beidh;

Conarthaí a dhréachtú i mBéarla, idirbheartaíocht a dhéanamh ina leith agus iad a thabhairt chun críche; conarthaí ceannacháin, conarthaí soláthair, conarthaí tráchtála, conarthaí teicniúla agus conarthaí eile ina measc.
Conarthaí coimisiúnaithe a dhréachtú i nGaeilge a bheidh bunaithe ar theimpléad atá dréachtaithe cheana féin ag an bhfoireann sa Rannóg Dlí
Comhairle dlí a thabhairt don eagraíocht lena n-áirítear comhairle i ndáil le saincheisteanna soláthair, conarthaí tráchtála, ceisteanna faoi chúrsaí craolacháin agus faoi chomhlíonadh ábhair
Cáipéisí treorach a dhréachtú
I ndiaidh tréimhse ghearr traenála, athbhreithniú a dhéanamh ar ábhar a léirítear sa teach sula gcraoltar é
Idirbheartaíocht a dhéanamh thar ceann TG4 le heagraíochtaí seachtracha
Aon fhreagrachtaí réasúnta eile a mheasann an Stiúrthóir Dlí nó an t-Ard Stiúrthóir bunaithe ar riachtanais an ghnó.

Bíonn tionscal na teilifíse ag síorathrú. Glacann TG4 go fonnmhar leis na hathruithe seo agus athróidh an comhlacht agus dualgais na foirne dá réir.

Nithe atá riachtanach don phost seo:

A bheith tiomanta d’Fhís, Misean agus Straitéis TG4 a chur i bhfeidhm
A bheith cáilithe mar aturnae i bPoblacht na hÉireann
Taithí shuntasach i ndiaidh cáilíocht a bhaint amach
Sárscileanna dréachtaithe agus pointeáilteacht
Sárscileanna réitigh fadhbanna
Tusicint ar dhlí na meán
Eolas ar fhreagrachtaí an chraoltóra phoiblí maidir le hábhar
Ábalta feidhmiú go muiníneach, éifeachtach as do stuaim féin i dtimpeallacht spreagúil
Meon dearfach i leith na hoibre agus na Gaeilge agus ábalta oibriú mar chuid d’fhoireann
Ábalta spriocanna oibre a chomhlíonadh
Scileanna iontacha idirphearsanta chomh maith le cumas deachaidrimh ghairmiúla a bhunú laistigh den eagraíocht agus lasmuigh di
Taithí mhaith ar chúrsaí riaracháin agus ríomhaireachta agus ábalta córais nua a fhoghlaim go tapa
Is í an Ghaeilge teanga oibre TG4, tá sé riachtanach go mbeifeá sásta í a fhoghlaim agus í a labhairt san ionad oibre. Cuirfear oiliúint agus ranganna ar fáil más gá.

Sa Cheannáras i mBaile na hAbhann, Co. na Gaillimhe atá an post seo. Tá polasaí oibre solúbtha i bhfeidhm i TG4.

4pm Dé hAoine an 7 Lúnasa 2026 an dáta deiridh a nglacfar le hiarratais. Seol CV mar aon le litir iarratais ina léirítear an taithí agus an spéis atá agat sa ról Dlíodóir, chuig cv@tg4.ie.

Eolas Breise don Iarratasóir

Grád an Phoist:
Grád 4

Uaireanta Oibre:
39 uair sa tseachtain. Mar gheall ar riachtanais an phoist, táthar ag súil go mbeifí solúbtha ó am go ham, lena n-áirítear a bheith sásta oibriú, nuair atá gá leis, lasmuigh d’uaireanta oifige, ag an deireadh seachtaine agus ar laethanta saoire bainc.

Laethanta Saoire:
Chomh maith leis na laethanta saoire bainc reachtúla, beidh tú i dteideal 23 lá de shaoire íoctha in aghaidh na bliana.

Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.

Taisteal:
Beidh taisteal i gceist ó am go chéile mar chuid den ról, in Éirinn agus thar lear.

Buntáistí eile a bhaineann le bheith ag obair i TG4:

Deiseanna Oiliúna agus Forbartha
Saoire Staidéir agus Scrúduithe
Táillí Ballraíochta Gairmiúla
Pinsean Ranníocach
An Clár Cúnaimh d’Fhostaithe
An Scéim um Rothaíocht chun na hOibre

Top ^

Bainisteoir Cibearshlándála

Is mian le TG4 Bainisteoir Cibearshlándála a cheapadh ar chonradh buan. Ag freagairt don Stiúrthóir Teicneolaíochta agus Dáileacháin, beidh an Bainisteoir Cibearshlándála freagrach as straitéis cibearshlándála, creat rialachais agus clár bainistithe riosca na heagraíochta a bhunú, a stiúradh agus a chur i gcrích.

Is craoltóir náisiúnta teilifíse Gaeilge é TG4 atá lonnaithe i mBaile na hAbhann, Co. na Gaillimhe. Is craoltóir-foilsitheoir seirbhíse poiblí é TG4 a fhaigheann formhór a ábhair ó earnáil na léiritheoirí neamhspleácha, ábhar a bhfuil duaiseanna agus gradaim go leor buaite aige. Tá ábhar TG4 ar fáil ar gach ardán teilifíse ar fud na hÉireann, ar fud an domhain ar an idirlíon agus ar ardáin dhigiteacha.

Is í an Ghaeilge teanga oibre TG4 agus mar sin is riachtanas é go mbeadh Gaeilge den scoth ag an té a cheapfar, idir labhairt agus scríobh na teanga. Is fostóir comhdheiseanna é TG4 agus déanfar iarratais incháilithe a mheas beag beann ar inscne, gnéaschlaonadh, aois, taithí shóisialta, cine agus eitneacht, éagumas, stádas sibhialta an teaghlaigh, creideamh nó ar duine den Lucht Siúil atá i gceist. Tá TG4 i bhfabhar na héagsúlachta. Fáilteoidh muid roimh iarratais ó dhaoine ó chúlraí éagsúla.

Is é Ceannáras TG4 i mBaile na hAbhann ionad oibre an phoist seo. Tá polasaí oibre solúbtha i bhfeidhm ag TG4.

An ról;
Feidhmeoidh an Bainisteoir Cibearshlándála mar phríomhchomhairleoir maidir le cúrsaí cibearshlándála, ag cinntiú go ndéanfar cuspóirí teicneolaíochta, athléimneacht oibríochtúla, comhlíonadh rialála agus gnó a ailíniú. Beidh an té a bheidh sa ról seo freagrach as cur i bhfeidhm straitéiseach agus as a chinntiú ag an am céanna go mbeidh cosaint chuí coinnithe ag an eagraíocht ar a córais, ar a sócmhainní faisnéise, ar a seirbhísí oibríochtúla agus ar shonraí na bpáirtithe leasmhara.

Éireoidh leat sa ról ach na spriocanna seo a bhaint amach:

An neamhchosaint cibear-riosca eagraíochtúil a laghdú
Aibíocht agus rialachas slándála níos fearr a chur i bhfeidhm
Comhlíonadh éifeachtach rialála a chur a bhfeidhm
Athléimneacht mhéadaithe a bhaint amach i gcoinne cibeartheagmhas
Infheictheacht níos fearr maidir le rioscaí cibearshlándála a bhaint amach ar leibhéal feidhmiúcháin agus boird
Cultúr láidir slándála a chur i bhfeidhm ar fud na heagraíochta

I measc na ndualgas, ach gan bheith teoranta dóibh, a bheidh ar an té a cheapfar beidh:

Straitéis & Rialachas Cibearshlándála

Straitéis chuimsitheach chibearshlándála a fhorbairt agus a chur i bhfeidhm a bheidh ag teacht le cuspóirí eagraíochtúla agus le hinghlacthacht riosca.
Creataí rialachais, polasaithe, caighdeáin agus nósanna imeachta maidir le cibearshlándáil a bhunú.
Tuairisciú rialta cibearshlándála, nuashonruithe riosca agus tuairisciú dearbhaithe a chur ar fáil don Bhainistíocht Feidhmiúcháin agus don Bhord.
Prionsabail slándála a leabú sna hoibríochtaí gnó agus sna cláir theicneolaíochta ar fad.

Bainistiú Riosca & Comhlíonadh

Aithint, measúnú agus bainistiú rioscaí cibearshlándála a stiúradh.
Clár riosca cibearshlándála fiontair a choinneáil agus maoirseacht a dhéanamh ar ghníomhaíochtaí maolaithe.
Comhlíonadh na reachtaíochta, na rialachán agus na gcaighdeán tionscail ábhartha a chinntiú, lena n-áirítear RGCS, NIS2, agus na creataí slándála is infheidhme.
Iniúchtaí cibearshlándála, gníomhaíochtaí dearbhaithe agus cruinnithe rialála a bhainistiú.

Oibríochtaí Slándála & Bainistiú Teagmhas

Maoirseacht a dhéanamh ar mhonatóireacht slándála, ar bhagairtí a aithint, ar leochaileacht a bhainistiú, agus ar acmhainn na heagraíochta freagairt do theagmhais.
Creat éifeachtach freagartha ar chibeartheagmhais agus leanúnachais gnó a bhunú agus a choinneáil.
Freagairt eagraíochtúil a stiúradh maidir le teagmhais mhóra chibearshlándála agus gníomhaíochtaí teicniúla, oibríochtúla, dlíthiúla agus cumarsáide a chomhordú.
A chinntiú go ndéanfar pleananna freagartha do chibeartheagmhais a thástáil agus a fheidhmiú go rialta.

Teicneolaíocht & Ailtireacht

Maoirseacht straitéiseach a dhéanamh ar chinntí a bhaineann leis an ailtireacht slándála agus teicneolaíochta.
A chinntiú go ndéantar rialuithe slándála cuí a áireamh i mbonneagar, feidhmchláir, néalseirbhísí agus córais oibríochtúla.
Feabhsuithe ar bhainistiú céannachta, rialuithe rochtana, slándáil líonra, cosaint sonraí agus athléimneacht a spreagadh.

Slándáil an tSlabhra Soláthair & Tríú Páirtí

Próisis riosca chibearshlándála tríú páirtí a fhorbairt agus a bhainistiú.
A chinntiú go gcomhlíonann soláthróirí agus comhpháirtithe na caighdeáin slándála chuí.
Maoirseacht a dhéanamh ar cheanglais slándála laistigh de chonarthaí, próisis soláthair, agus athbhreithnithe ar sholáthróirí.

Ceannaireacht & Cultúr

Cultúr láidir cibearshlándála a chur chun cinn ar fud na heagraíochta.
Cláir feasachta agus oiliúna slándála a stiúradh.
Caidrimh éifeachtacha a fhorbairt le ceannaireacht na Cuideachta, leis na Rannóga éagsúla gnó, le foireann na teicneolaíochta agus le comhpháirtithe seachtracha.
An acmhainneacht cibearshlándála a fhorbairt agus meantóireacht a dhéanamh air laistigh den eagraíocht.

Príomhspriocanna Insoláthartha

Straitéis agus treochlár cibearshlándála
Creat rialachais slándála fiontair
Clár bainistithe cibear-riosca
Creat comhlíonta rialála
Freagairt do theagmhais agus acmhainn athléimneachta
Monatóireacht slándála agus feabhsuithe ar bhainistiú bagairtí
Clár feasachta slándála
Tuairisciú cibearshlándála ar leibhéal an bhoird

Taithí Riachtanach

Taithí ar straitéisí cibearshlándála a fhorbairt agus a chur i bhfeidhm agus cruthúnas air sin.
Taithí ar chibear-rioscaí a bhainistiú ar leibhéal an fhiontair.
Taithí ar chláir freagartha teagmhais agus cibear-athléimneachta a stiúradh.
Tuiscint láidir ar oibríochtaí slándála, bonneagar, néalríomhaireacht agus timpeallachtaí teicneolaíochta fiontraíochta.
Taithí ar bheith i mbun rannpháirtíochta le ceannaireacht feidhmiúcháin agus le boird.

Taithí Inmhianaithe

Taithí ar bheith ag obair laistigh de thimpeallachtaí bonneagair chriticiúil, na meán, na teicneolaíochta, nó i dtimpeallachtaí rialáilte.
Taithí ar NIS2, RGCS, ISO 27001, nó creataí comhchosúla.
Taithí ar sheirbhísí Lárionad Oibríochtaí Slándála (SOC) a bhainistiú.
Taithí ar bhainistiú riosca soláthraí agus tríú páirtí.

Scileanna agus Inniúlachtaí

Smaointeoir straitéiseach a bhfuil tuiscint láidir ghnó aige
Ábalta tionchar gnó a dhéanamh de riosca teicniúil
Scileanna láidre ceannaireachta agus ábalta tionchar a imirt
Sárscileanna cumarsáide ar an leibhéal feidhmiúcháin
Scileanna láidre cinnteoireachta agus réitigh fadhbanna
Ábalta riachtanais oibríochtúla a chothromú le straitéis slándála fhadtéarmach
Tuiscint láidir ar chibearbhagairtí agus ar threochtaí teicneolaíochta atá ag teacht chun cinn

Beidh an tuarastal de réir cháilíochtaí agus thaithí an té a roghnófar.

Seol litir iarratais ina léirítear an taithí atá agat agus an cur chuige a bheadh agat don phost Bainisteoir Cibearshlándála chuig cv@tg4.ie roimh 4pm Dé hAoine an 7ú Lúnasa 2026.

Eolas Breise don Iarratasóir

Grád an Phoist:
Grád 3

Laethanta Saoire:
Chomh maith leis na laethanta saoire bainc reachtúla, beidh tú i dteideal 23 lá de shaoire íoctha in aghaidh na bliana.

Pinsean:
Tá baill foirne TG4 i dteideal dul isteach i nGrúpscéim Pinsin TG4 faoi réir théarmaí aon scéime atá ann cheana.

Taisteal:
Beidh taisteal i gceist ó am go chéile mar chuid den ról, in Éirinn agus thar lear.

Buntáistí eile a bhaineann le bheith ag obair i TG4:

Deiseanna Oiliúna agus Forbartha
Saoire Staidéir agus Scrúduithe
Táillí Ballraíochta Gairmiúla
Pinsean Ranníocach
An Clár Cúnaimh d’Fhostaithe
An Scéim um Rothaíocht chun na hOibre

Top ^

Eagarthóir Nuachta

Iriseoirí Ilmheán Nuachta agus Cúrsaí Reatha

Riarthóir Cumarsáide / Preasa

Dlíodóir

Bainisteoir Cibearshlándála