Tá a fhios anois go bhfuil 11 duine ar a laghad marbh de bharr eachtra a tharla ag féile sráide i gCaenada.
Gortaíodh na scórtha eile nuair a thiomáin carr isteach i slua tráthnóna inné le linn cheiliúradh Lapu Lapu i gcathair Vancouver.
Féile í seo a bhíonn ag an bpobal Filipíneach thall ansin agus bhí sí á reachtáil i mbruachbhaile Sunset on Fraser.
Ghabh na póilíní tiománaí an chairr, fear sna tríochaidí ó Vancouver agus tá seisean á choinneáil faoi láthair.
Deir na póilíní nach dóigh leo gur eachtra eagraithe sceimhlitheoireachta a bhí ann.
Tá a chomhbhrón curtha in iúl ag Príomh-Aire Chaenada, Mark Carney i dteachtaireacht a sheol sé ar X.