Lámhachadh agus maraíodh deichniúr i meánscoil i gcathair Graz san Ostair ar maidin inniu.
An fear óg a bhí freagrach as an ionsaí lámhaigh, tá sé féin maraithe freisin. Is cosúil gur chuir sé lámh ina bhás féin.
Idir dhaltaí agus mhúinteoirí a maraíodh nuair a scaoil an fear gunna láimhe agus gránghunna le daoine in dhá sheomra ranga sa scoil ag thart ar 8 a chlog ar maidin.
Chomh maith leis na mairbh, gortaíodh aon duine dhéag eile freisin, cuid acu go dona.
Iarscoláire sa scoil a bhí sa té a rinne an t-ionsaí. Bhí sé 21 bliain d'aois.
Beidh trí lá dobróin náisiúnta san Ostair in ómós na ndaoine a maraíodh.
Tá comhbhrón déanta le muintir agus Rialtas na hOstaire ag ceannairí Eorpacha, an Taoiseach Micheál Martin agus an Tánaiste Simon Harris ina measc.
Nuacht agus Cúrsaí Reatha RTÉ