Tá pictiúrlann an EYE i nGaillimh dúnta inniu tar éis don díle bháistí a bhí ansin inné damáiste a dhéanamh don fhoirgneamh.
Ba mhór an lán uisce a tháinig ar dhíon an fhoirgnimh ar Bhóthar Pháirc an Tobair ag thart ar 6 a chlog tráthnóna inné agus bhí na deora ag sileadh anuas ar an lucht féachana ann.
Tugadh daoine amach as an áit gan mhoill agus thug cuid den díon uaidh go gairid ina dhiaidh sin.
Dhoirt an t-uisce isteach san áit go folcanta agus bhí an oiread brú ann gur tarraingíodh suíocháin as an úrlar agus baineadh doras éalaithe dá lúdracha.
Cuireadh fios ar an tseirbhís dóiteáin agus ar na Gardaí a tháinig ar an láthair go pras.
Tugadh bean amháin chuig an ospidéal ach tuigtear nach raibh sí go dona tinn.
Dúirt Príomhoifigeach Dóiteáin na Gaillimhe Gerry O'Malley go mb'fhéidir go mbainfeadh gortuithe tromhchúiseacha do dhaoine murach a mhire a tugadh amach as bpictiúrlann iad.
Nuacht agus Cúrsaí Reatha RTÉ