Tá bean as Éirinn agus seachtar eile a fuadaíodh i Háítí i dtús na míosa seo scaoilte saor.
Fuadaíodh Gena Heraty, as Cathair na Mart i gCo Mhaigh Eo, ó dhílleachtlann gar do phríomhchathair Háítí, Port-au-Prince.
Is í Gena Heraty stiúrthóir na dílleachtlainne agus tá sí ag obair i Háítí le blianta fada.
Bhí leanbh trí bliana d'aois i measc an tseachtair a fuadaíodh in éindí léi agus tuigtear go bhfuil siad ar fad slán sábháilte anois.
I ráiteas a d'eisigh teaghlach Gena Heraty tráthnóna inniu, deimhníodh gur scaoileadh saor í agus gabhadh buíochas le gach duine a bhí bainteach lena saoradh, lenar áiríodh an Tánaiste Simon Harrris, foireann na Roinne Gnóthaí Eachtracha agus Amabasadóir na hÉireann sna Stáit Aontaithe Geraldine Byrne Nason.
Nuacht agus Cúrsaí Reatha RTÉ