Tá pleananna a bhí ann chun Bealach Glas, 35 ciliméadar a thógáil i Sligeach curtha ar fionraí.
Bhí sé i gceist Bealach Glas siúlóide agus rothaíochta 35 ciliméadar a thógáil ar chuid de bhealach iarnróid an iarthair nach bhfuil in úsáid i ndeisceart Shligigh.
Bhí cuid den líne traenach nach bhfuil in úsáid idir Cúil Mhuine agus Béal Lathaí de chuid Iarnród Éireann mar phríomh-rogha ag Comhairle Contae Shligigh.
Tá sé tugtha le fios ag an Údarás áitiúil go raibh siad ag cur aon obair eile ar fionraí mar nach bhfuil fáil a thuilleadh ar an mbealach a bhí uathu agus nach rogha inmharthana atá i rogha eile a bhí molta.