Deir Met Éireann go mb'fhéidir go mbeadh scráibeacha sneachta i roinnt contaetha i dtuaisceart na tíre i gcaitheamh an deireadh seachtaine.
Beidh an teocht chomh híseal le ceithre chéim faoi bhun an reophointe oíche amárach i gCúige Uladh agus i dtuaisceart Chonnacht.
Ceaptar gur trí cheintiméadar ar doimhneacht – ar a mhéad – a bheas an sneachta sna háiteanna sin.
Mar sin féin, molann na meitéareolaithe do thiománaithe go háirithe a bheith san airdeall ar mhuca sneachta san áit is faide a leanfaidh na scráibeacha.
Is dhá chéim faoi bhun an reophointe is ísle a bheas an teocht anocht, trí chéim os a chionn is airde a bheas sé.
Beidh sioc forleathan.
Nuacht agus Cúrsaí Reatha RTÉ