Tá an Rialtas le plean nua turasóireachta a fhógairt inniu ina bhfuil sé mar aidhm tuilleadh cuairteoirí as tíortha in oirthear an domhain a tharraingt go hÉirinn.
Cuairteoirí as an India, Aontas na nÉimíríochtaí Arabacha agus tíortha uile an Chianoirthir atá i gceist den chuid is mó.
Cuid de straitéis nua cúig bliana na Roinne Fiontar, Turasóireachta agus Fostaíochta atá sa phlean atá le fógairt ag an Aire Peter Burke.
€4.7 billiún atá le cur ar fáil leis an straitéis iomlán a chur i bhfeidhm, ar cuid den Phlean Forbartha Náisúnta í, agus beidh €77 milliún den mhéid sin ar fáil le turasóirí a tharraingt go hÉirinn as réigiúin nár tugadh mórán airde orthu cheana.
Tá súil eitiltí díreacha a chur ar fáil idir cuid na réigiúin sin agus Éire den chéad uair riamh.
€400 milliún san iomlán atá le hinfheistiú san earnáil turasóireachta as seo go ceann cúig bliana de réir na straitéise nua.
Nuacht agus Cúrsaí Reatha RTÉ