Tá sé tugtha le fios ag an gcomhlacht státurraithe foraoiseachta Coillte go nglacfaidh sé achar níos faide ná mar a ceapadh an obair ghlantacháin ar fad i ndiaidh Stoirm Éowyn a chur i gcrích.
Ní bheidh an obair críochnaithe go dtí lár na bliana seo chugainn, a dúirt Coillte, seachas i mbliana mar a dúradh roimhe seo.
Áirítear gur leagadh 50 milliún crann de bharr na stoirme bliain go ham seo ach ceaptar nach bhfuil ach 20% de na crainn bailithe le chéile ag lucht foraoiseachta ó shin.
Is ar thalamh le Coillite a leagadh leath na gcrann agus is leis an earnáil phríobháideach an leath eile.
Is féidir fónamh a bhaint as adhmad ó chrann atá leagtha go ceann dhá bhliain ach níl gar ann ina dhiaidh sin.
Tuairim is €60 milliún luach an damáiste don tionscal forasaoiseachta atá luaite le Stoirm Éowyn, sin gan trácht ar an bhfiadhúlra.
Nuacht agus Cúrsaí Reatha RTÉ